雞朱寶

营业中

休息中

基本上去开屯门做嘢一定会食嘅饭堂，如果唔系有朋友介绍，应该都唔会识得揾到去。必食推介系佢嘅厚切猪扒配豉油鸡翼饭，同埋自选洋葱蛋包饭。厚切猪扒配豉油鸡翼饭：猪扒确实几厚切，食落唔会好干身，豉油鸡翼煮得好入味，一入口就好易脱骨，但又唔会觉得霉，配埋少少豉油同埋葱油，成碟饭都可以食晒。自选洋葱蛋包饭：虽然佢有好多配料可以选择，但我就钟情佢嘅厚切叉烧或者虾仁，最钟意佢有劲多洋葱，洋葱又唔会煮得太熟，仲有少少洋葱辣同爽口，配埋个蛋又好够滑，超好味！