餃里 (悅湖商場) (裝修中)

作为一个间唔时要去屯门做嘢嘅区外人，平时多数只系会去屯门市中心，好少会入到屯码，今日见工作早咗少少完成，就去屯码一带散步兼揾食~ 睇完Openrice就发现咗呢间屋村商场入面嘅饺子店好似几多好评咁，一于试吓呢道除咗提供传统口味嘅饺子好似椰菜韮菜之外，仲有唔少创新嘅口味例如泡菜，芝士粟米，紫菜~ 一向钟意食饺子嘅我，加上今次超级肚饿，一于大包围咁叫哂自己中意嘅味首先嗌咗双拼汤饺(紫菜，素饺) 同埋三拼煎饺(芝士粟米，泡菜，紫菜) 即时食, 之后仲买咗椰菜，韭菜饺各半打返去俾家人试下~ 一食真系喜出望外，估唔到舖头细细，啲饺子劲高质素首先只只饺子大大只，胀卜卜爆晒馅，咬落令人好有满足感! 皮嘅厚度适中，重点系啲馅好惹味! 个人最喜欢紫菜饺，一黎比较少见，二黎只饺多菜少肉, 紫菜味非常突出，钟意食紫菜嘅人一定唔会失望其次我都非常欣赏泡菜饺同芝士粟米，足料又惹味，食到唔想停口~ 配埋辣菜甫真系更上一层楼! 如果黎开屯门码头呢一边的话，一定要黎呢个商场揾食同试吓呢间咁用心制作嘅饺子店