新金榮小廚

营业中

休息中

屯门人如果要讲起食打冷，一定系会去何福堂，因为新墟何福堂𠮶边有一条街都系食打冷嘢嘅，好多人都会坐喺条街度食。不过今次带埋老人家一齐去食呢，就唔系咁方便啦。好彩侍应都非常之殷勤，马上带我哋去有冷气嘅地方。难得婆婆话想食打冷，噉就一定唔可以令佢失望喇，新金荣我哋都食过好多次，所以都马上点返几个小菜卤水鹅片。老实讲我平时对卤水鹅都冇乜兴趣。不过去到打冷铺，见到啲卤水鹅片每个都系薄切嘅，识落唔会话好韧，质素唔错。炸蚝饼。去食打冷点可以唔食炸蚝饼呢。呢间野炸蚝饼都系非常之松脆，亦都十分足料。椒盐九吐鱼，椒盐鱿鱼。呢个又系另一样一定要食嘅嘢，椒盐九肚鱼亦系非常香脆，系咸咗少少，但唔行又点叫椒盐哩。椒盐鱿鱼都系一样，仲好弹牙添。蒜香骨。蒜香骨分量都唔细，食落好香香蒜味，不过都系咸咗少少。沙姜鸡。因为其他𩠌食得太多，呢啲鸡我都冇食过，不过婆婆都觉得几好食嘅。总结嘅系，大排档都系男人的浪漫，作为屯门人，同班男仔朋友都会成日嚟食，所以比个好评啦。