八百善 (已結業)

如果唔系食下午茶餐，午市套餐六十至八十零蚊来讲，呢间都算系贵嘅午市日式定食，不过下午茶就会抵好多，因为同样嘅主食，价钱平咗之余，仲会每个套餐送一款小食店嘢饮仲有沙律。小食来讲，枝豆嘅份量都几多㗎，同埋佢唔系预先整定嘅，上菜嘅时候都仲系热辣辣。呢个芥末蜜糖薯条，我都唔系第一次叫，因为佢又系即叫即整啦，薯条又唔会太幼，粗度适中，都几饱肚㗎，份量都算多。滑蛋吉列猪扒饭，吉列猪扒热辣辣，肉又多，加上面头少少嘅紫菜同菇，好好食架！我自己最钟意就系牛肉丼，牛肉份量超级多,次次我都食唔晒架,同洋葱配搭系正，侧边仲有少少雪菜，然后葱花同芝麻将碗饭提升咗,非常夹㗎！连同芝麻沙律、同埋嘢饮一杯，一个下午茶餐大概$60包嘅野都几多。不过间野嘅服务呢就有啲差，因为好明显员工嘅人数不足，导致成间店好似得两三个人去应付咁多位客人，你每次想揾人去服务你都要等好耐㗎。