緣聚西日餐廳 (仁愛堂圍) (已結業)

听讲屯门开左间日式放题餐厅,就约朋友去食餐劲。19:00去到唔驶等候就可以入去,店内地方好大,座位宽敞,装修好特别,墙面系以红砖墙为主。店员安排座位后就俾一部平板电脑你落单,好有环保概念。先讲自助餐台,有沙律吧、饮品柜、雪条柜和甜品柜,各个吧柜的款式好多,最值得欣赏系有Dreyers雪糕任食，仲有韩国melona雪糕。食物既款式有好多,刺身、手握寿司、火炙寿司、天妇罗、卷物、军舰、烧物、西式把类、焗蚝......我同朋友都好大食,所以差唔多试晒咁多款食物。刺身同寿司既款式多,品质新鲜。天妇罗,炸到热辣辣,好有水准。蒜香焗蚝,芝士焗蚝,体积虽小但新鲜有蚝味。食物款式选择多环境好,不错不错。