和氣食堂

营业中

休息中

秋天一个少少凉意的日子行山，系最适合㗎啦。同一班朋友行完山剩低两个人时就近来到佢屋企附近嘅一间日式餐厅，佢话想嚟好耐但未揾到适合嘅时间同埋人，咁今日就两个人一齐撑枱脚啦。“三文鱼牛油果沙律”系首先来到嘅前菜，跟住各式各样寿司又有泡饭陆续上嚟，呢排食得菜少，因此餐餐出来食都会嗌有叶菜，呢餐嗌嘅系'"日式炒野菜"，而今天行山，消耗量大，再来一个"樱花虾鲷鱼泡饭”一定够补充番D能量，又够饱肚。几样寿司一次过上嚟睇来都好靓好有食欲，“三文鱼腩寿司”啲三文鱼够肥美，啲颜色令立立睇来好新鲜；”帆立贝寿司”正常来讲都唔会差，一定有信心；”虾三味“有甜虾，虎虾，赤虾，啲虾可以包晒啲寿司饭。"樱花虾鲷鱼泡饭"上台好有仪式感，侍应将鱼汤慢慢倒入饭中，鱼汤劲鲜甜，之后又会主动加返啲汤，服务到位。食完心满意足返归。