BYOB Coffee Roaster (已結業)

平时一向去开红桥BYOB，发现佢哋良德街新舖（都新咗一年😅）有all-day breakfast，即刻要去试吓！有惊喜🤩！佢哋食物一向高质，今次仲以variety吸引食客。除咗好多坊间all-day都会有嘅炒蛋（用黑松露炒）、三文鱼（厚厚嘅两大块）、茄汁豆、sausages（两大条，其中一条系辣肉肠！）、菇、菜、牛油果（半大只！熟度啱啱好，又切到厚厚，正！😋），仲未讲完！仲有其他all-day好少有嘅虾多士！（见图，脆卜卜，一啲都唔油，好好食🤤）同埋scone! 酒店英式high tea食scone一定要搽clotted cream，呢份$108嘅all-day竟然一样唔缺少！呢啲细节就可以睇到老细真系好用心，想用最合理嘅价钱带俾食客最好嘅dining experience！我另外加咗壶大吉岭玫瑰茶，配合超大嘅all-day啱啱好帮我消滞，玫瑰嘅香亦好治愈。佢哋嘅咖啡都好出名，拉花劲靓，诚意推荐！