Food Combo (已結業)

喺屯门新墟附近有一间开咗唔系好耐嘅西餐，今日就同朋友中午去试试佢。.食西餐我一定会叫牛扒，首先喺呢度叫咗一个Food Combo杂扒黑椒汁配南瓜薯饼定食。有餐汤、沙律、南瓜薯饼、生果同埋牛扒。其中个小食南瓜薯饼揸得好脆，主菜块牛扒成只碟咁大，食落去唔韧，另外配埋鸡翼、烟肉虾、同埋薯蓉，好有满足感。.另外叫咗个香煎挪威三文鱼叼草蛋黄酱配特色炸鸡粒，都系有汤、沙律、生果。个炸鸡好香口，主菜个挪威三文鱼啖啖肉配埋佢呢个蛋黄酱简直完美。另外佢煎得唔干，我最怕食到啲煎鱼干争争要边食边饮水。.饮品方面佢套餐系以自助任饮形式去拎饮品。佢呢度三款饮品都唔简单。有热嘅先姜红枣桂圆杞子水，冻嘅就有柠檬茶同埋薄荷鲜橙水，我就试咗佢个薄荷鲜橙水，饮落去凉两地好Fresh。