象泰宴

营业中

休息中

今日要去屯门见客嘅关系,由于路途遥远所以见完就可以直接收工,但系我对屯门区真系一啲都唔熟路所以唯有向密友求救啦,身为地胆嘅佢就带咗我嚟呢间佢话系新开嘅泰国餐馆食晚饭喇。咁啱密友几位家姐都冇住家饭食,齐齐落嚟痴餐有多几个人咁就好啦可以叫多几款嘢一齐食,食泰国嘢最重要嘅一环就系款式要多🤣开心share吖嘛~一坐低睇餐牌先嚟叫一个冬荫公海鲜汤($108蚊)：佢香辣得嚟又唔似坊间泰国餐厅只有辣椒嘅死辣味,而系渗出微辣香气,里面𩠌菜又足料,海鲜方面有虾啦青口啦鲜鱿啦,蔬菜类有蕃茄同埋草菇,全部材料都吸哂冬荫公汤嘅精华,又香又过瘾。香葱蒜蓉包($42蚊)：呢款小食可以大家一齐share,见到佢嚟到嘅时候好似层层叠咁好趣致,一条条长方柱条又可以方便进食,咬开都有清脆嘅响声,入口几有牛油香味同蒜味,不错~泰国金柚子虾沙律($88蚊)：食泰国嘢最钟意就系嗌呢啲醒胃沙律,柚子香甜又清新,一啲苦涩味都冇,甜甜酸酸咁人人都争住嚟食。泰式生海虾($88蚊)：泰式生虾就食得多,但系好似呢度咁用shooter小杯子装住就真系第一次见辣汁仲要分咗两种唔同嘅口味,橙色系带有小小辣味嘅,反而绿色比橙色更辣,入口之后再隔几