コメダ珈琲店

营业中

休息中

系香港开业咗一排嘅日式吃茶店，终于要黎试一试。唔知系咪热潮已过，lunch time 黎到成间舖都冇乜人，得一两枱客。我地叫咗一个猪扒方堡，一个炖牛肉share黎食。味噌炸猪扒方堡落单嘅时候，猪扒方堡有得拣切两份定四份，先地谂住两个share就切两份算，上到枱先知原来好大份，块猪扒仲大过块面包，食得出系即刻炸，炸得好酥脆唔干，中间有啲椰菜丝同味噌酱汁，好好食！红酒炖牛肉红酒炖牛肉亦系即刻焗，中间有一球薯仔沙律，周边嘅牛肉粒都够淋，面头再有啲芝士一齐焗。本身配咗两片法包，觉得唔系好够，因为个汁真系几好食，可能要追加多士先得。最后加多咗个大福冰与火，比普通版中间切咗一半夹咗红豆溶同几片大福，面头有双色雪糕同士多啤梨酱。成旧甜品要衬热食，因为上到枱都见到个雪柜溶得好快，可惜中间个片大福馅太薄，其实唔系好食到啲烟烟韧韧。整体其实都好食又好坐，价钱都唔算贵，啡亦几好饮。佢啲位除咗四人卡位，仲有啲自闭位比一个人黎食都唔尴尬，个位前面仲有得差电，装修都好有日式吃茶店嘅vibe。