影片
更多
2024-01-06
13 浏览
老婆话想食寿司刺身，咁啱念起景峰轻铁站对开有间寿司外卖专门店，平时行开行埋见到门面好靓，而且食物选择好似好多，一于行过去帮亲下。由于order的寿司都系即时手握制作，大概需要等10-15mins，但睇住寿司师傅制作，感觉好似去左日本咁！返到屋企，老公即刻开台食，见到d食物都觉得开心。我地叫左半磅三文鱼刺身，d三文鱼好新鲜肥美，睇个颜色都知道新鲜，味道好过某连锁寿司店。另外叫左个火炙三文鱼饭，最好食的唔系d三文鱼，反而系d饭，寿司醋的比例唔错，静系食饭都觉得好好味，我觉得个师傅应该系转研过！寿司方面，我地叫左个芝麻鳗鱼反卷，吞拿鱼寿司，花之恋，香葱吞拿鱼腩寿司，腐皮芝士蟹籽，三文鱼腩寿司。手握寿司个饭细细粒，压得几实，唔会一夹就散，而且d饭真系好好食。三文鱼刺身同花之恋都系厚切，咬落去成口三文鱼，感觉好幸福。至于我最欣赏的系个腐皮芝士蟹籽，d蟹籽好多好多，而且外面好少见，同腐皮咬落去有汁，个味好夹，好正，推介！最后到小食，我地叫左个炸蚝同炸鱿鱼。店主好细心咁将d外卖盒剪开个口，拎到返屋企大概都要半小时，不得不赞仲保持到脆口，同堂食分别唔大！而且两种炸物都好香口，味道一流，尤其个鱿鱼，好有
由于order的寿司都系即时手握制作，大概需要等10-15mins，但睇住寿司师傅制作，感觉好似去左日本咁！返到屋企，老公即刻开台食，见到d食物都觉得开心。
我地叫左半磅三文鱼刺身，d三文鱼好新鲜肥美，睇个颜色都知道新鲜，味道好过某连锁寿司店。
另外叫左个火炙三文鱼饭，最好食的唔系d三文鱼，反而系d饭，寿司醋的比例唔错，静系食饭都觉得好好味，我觉得个师傅应该系转研过！
寿司方面，我地叫左个芝麻鳗鱼反卷，吞拿鱼寿司，花之恋，香葱吞拿鱼腩寿司，腐皮芝士蟹籽，三文鱼腩寿司。手握寿司个饭细细粒，压得几实，唔会一夹就散，而且d饭真系好好食。
三文鱼刺身同花之恋都系厚切，咬落去成口三文鱼，感觉好幸福。
至于我最欣赏的系个腐皮芝士蟹籽，d蟹籽好多好多，而且外面好少见，同腐皮咬落去有汁，个味好夹，好正，推介！
最后到小食，我地叫左个炸蚝同炸鱿鱼。店主好细心咁将d外卖盒剪开个口，拎到返屋企大概都要半小时，不得不赞仲保持到脆口，同堂食分别唔大！而且两种炸物都好香口，味道一流，尤其个鱿鱼，好有鱿鱼味，唔舍得吞落肚，哈哈！
等紧寿司期间，同店主倾左阵计，店主人好nice同好有耐性，又会好有热诚咁介绍d食物。其实有时呢d小店就会俾连锁店多一份人情味，而且食物质素同味道唔会输大连锁，大家有机会都去支持下！除左外卖寿司刺身之外，店内有售卖日韩零食同护肤品，佢地有做埋代购日韩商品，货价上面的货都可以直接买。
最后发现外卖入面有两张宣传单张，原来佢地有做埋鸡煲同羊腩煲，睇返其他人d食评，羊腩煲的comment好好咁。下次天气转冻，我会再帮亲一下个羊腩煲！
张贴
