象泰 (已結業)

今日揸车入屯门行下吸收下新鲜空气，咁就系雅都花园food court入面拣左呢间泰国野食宵夜。炭烧猪颈肉有小火座热，成个感觉好有炭烧风味，份量都算多有两层既，而且好有咬口，肉质嫩香，仲有个汁比你点，可以自己调下味。辣椒膏炒蛏子王同泰式辣椒膏炒花甲都几新鲜同大只，两个个汁基本上差不多，用黎捞饭/粉一流，好有泰式风味，唔算好辣但好入味。泰式海鲜炒贵刁好似河粉咁既，唔会好肥腻，贵刁食落感觉香滑，虾就爽口弹牙，仲有青口都新鲜有口感。内在布置都好典雅，有泰国风情，令人感觉舒适。食物种类亦多，总有一款岩你。