貓毛

营业中

休息中

睇完戏要医下肚！今次就拣咗对九龙人👦🏻👧🏻未接触过嘅领域🤣，喺轻铁景峰站附近嘅半外卖Burger店猫毛！食物抵食，想坐低喺餐厅外食/外卖又得，Whatsapp随时落单又得，仲要有得储印仔，储够又有得换野食👍🏻(下雨天🌧️订餐仲有Double印仔😛)。🌟贝罗菇汉堡//超人汉堡👧🏻就叫咗贝罗菇汉堡 - 大啡菇牛肉黑松露堡！面包够松软，仲几香白芝麻味🤍。至于牛肉就系手打牛肉，牛味浓郁，煎得比较熟🐮。大啡菇够晒Juicy，黑松露酱份量颇多，味道芳香，呢个组合绝对唔会令人失望！如果贝罗菇系一个保守唔会输嘅组合，超人汉堡就绝对系创新得意嘅选择！有手打猪肉、炒蛋同咸蛋黄沙律酱。咸蛋黄味道唔会抢另外两者嘅味道，加上炒蛋层都几厚，口感丰富👍🏻。🌟薯条//薯饼薯条🍟系用咗曲薯条，啖啖薯仔蓉，再洒上大量黑胡椒碎，点茄酱一流🍅。👦🏻对于唔洗食早餐先有得食薯饼🥔就表示好满意😛。