影片
更多
2024-11-21
137 浏览
进化论除咗适用于生物，其实亦适用于汉堡包。因为以前嘅汉堡包主要系由牛肉汉堡，加上简单酱汁同配料而成；但依家嘅汉堡包，款式层出不穷，极具创意同充满话题性。今次山长水远嚟到屯门区，就系寻找City’n Friends嘅特色汉堡。素鱿鱼圈素食人士同样适合嘅素鱿鱼圈，系City’n Friends必叫嘅餐前小食。素鱿鱼圈同普通鱿鱼圈分别不大，同样充满口感，而鱿鱼圈嘅粉浆够薄身，所以非常香脆。韩式猪腩肉汉堡讲到City’n Friends嘅特色汉堡，首推嘅就系韩式猪腩肉汉堡。用上猪腩肉嘅汉堡，油香非常丰盛，但亦令汉堡够晒juicy。酱汁以滕椒酱为主调，可以balance番油脂含量较高嘅猪腩肉之余，仲充满韩式风味。墨鱼汁鱿鱼须意粉乌黑色嘅墨鱼汁沾满每一条意粉，带有啖啖嘅墨鱼味。意粉配上香脆嘅鱿鱼须，尤如有百只墨鱼同鱿鱼喺口腔入面奔腾啊！黑芝麻奶昔、红肉火龙果乳酪果昔除咗汉堡包之外，City’n Friends嘅特饮同样系一个记忆点！餐厅嘅特饮选择非常多，其中推介充满浓浓芝麻味嘅黑芝麻奶昔，饮落似黑芝麻糊之外，仲多咗一份绵滑奶香感；而红肉火龙果乳酪果昔就用上新鲜红肉火龙果打成，加上乳酪，够晒健康之余
素鱿鱼圈
素食人士同样适合嘅素鱿鱼圈，系City’n Friends必叫嘅餐前小食。素鱿鱼圈同普通鱿鱼圈分别不大，同样充满口感，而鱿鱼圈嘅粉浆够薄身，所以非常香脆。
韩式猪腩肉汉堡
讲到City’n Friends嘅特色汉堡，首推嘅就系韩式猪腩肉汉堡。用上猪腩肉嘅汉堡，油香非常丰盛，但亦令汉堡够晒juicy。酱汁以滕椒酱为主调，可以balance番油脂含量较高嘅猪腩肉之余，仲充满韩式风味。
墨鱼汁鱿鱼须意粉
乌黑色嘅墨鱼汁沾满每一条意粉，带有啖啖嘅墨鱼味。意粉配上香脆嘅鱿鱼须，尤如有百只墨鱼同鱿鱼喺口腔入面奔腾啊！
黑芝麻奶昔、红肉火龙果乳酪果昔
除咗汉堡包之外，City’n Friends嘅特饮同样系一个记忆点！餐厅嘅特饮选择非常多，其中推介充满浓浓芝麻味嘅黑芝麻奶昔，饮落似黑芝麻糊之外，仲多咗一份绵滑奶香感；而红肉火龙果乳酪果昔就用上新鲜红肉火龙果打成，加上乳酪，够晒健康之余，仲系便便之选。
张贴
