JEP by Involtini

营业中

休息中

朋友话带我嚟呢间餐厅庆祝生日，话系手工意粉，住屯门既我地当然要嚟试一试啦！！当时我地系walk in，室内已经冇晒位，职员建议我地坐室外，当晚天气都有26度，幸好有微风，唔算太热，职员仲开埋把遮俾我地同点蚊香，好贴心🩷🩷我地叫左个set dinner一齐share，头盘系一个酸酸甜甜既蕃茄仔，好开胃，个人觉得吾错，口感好酸甜。加上佢地既酸种面包配橄榄油都唔错。另外主菜系龙虾手工意粉，意粉包满龙虾汁，非常入味，不过意粉口感麻麻，整体味道系唔错，但手工意粉有啲太厚皮，龙虾肉好爽口，但份量有啲少。甜品系提子啫喱饼，一个字:好甜😂。外观摆设好靓，但味道麻麻。所以我地另外叫了tiramisu，呢个Tiramisu好特别，系要自己攞手指饼去点，另外仲有一杯咖啡自己倒落去，食法好新鲜，手指饼都好松化，Tiramisu味道好浓郁。整体嚟讲，食物质素平平，但够新奇，可以吸引人，当晚坐外面虽然有啲热，但发现影相非常吾错，环境几好，如果天气吾热，大家可以选择坐外面。呢间餐厅价钱比较贵，我地两个人只叫了一个set dinner，埋单6xx，但我地都觉得佢地食物质素同份量唔值呢个价🤣。