留白居酒屋 (已結業)

今日去到屯门红桥𠮶边揾嘢食，见到一间居酒屋既餐厅散发著好香嘅串烧吸引之下，就决定去食佢🤤一入去就feel到一种好地道既居酒屋style，黄黄既灯加上一排排嘅酒，感觉上都几舒服同fd倾下计😚 好耐无饮波子汽水！真系好似日本居酒屋~~当夜有啲寒凉，所以叫番个乌冬暖吓胃先，个乌冬汤非常之清，有蔬菜既甜味，有屋企感觉🤣炸猪排炸得好脆，又够大块，绝对系抵食之选😘另一个主食就叫咗牛肉饭，牛肉洋葱份量够，牛肉比坊间𠮶啲嚟得厚身，感觉实在好多😜味道就比较咸啲，非常好送饭😂小食就叫咗炸物拼盘，分别有墨鱼咀 鱼手指同埋炸鸡，墨鱼咀就第一次食，感觉几过瘾，不过入面就好似冇乜味咁😗炸鸡就非常出色，炸得好脆之余入面仲非常juice😙鱼手指就比较似鱼蛋，𡁻𡁻吓啲鱼味会慢慢渗出嚟，都几令人回味😚嚟度点可以唔叫烧物，我哋都食肉类食到够晒所以就决定嗌海鲜食😍蛏子皇名不虚传，烧到啱啱好，有啲蒜茸牛油辣椒吊味下，蛏子既鲜甜味更加容易食到出嚟，令人难忘🤩烧仓鱼就够晒多肉，鱼油亦都足够，再自己加啲海盐上面，值回票价🥰呢间餐厅仲有好多嘢想试，希望可以下次再同老死来聚聚😳😳