日本駅和食

营业中

休息中

夜妈妈系屯门码头附近想食宵夜，除左行去龙门居，近近地行去兆禧都唔错。呢间小店系兆禧食坊入面，无乜位坐。外卖会食得舒服啲，但野食质素好，全部都系即叫即整，热辣辣😋每个饭都包碗味噌汤，价钱都合理，下次经过应该都会再帮衬👍鳗鱼炒饭劲推，无谂过会有咁大块鳗鱼。最惊喜系啲炒饭入面会有细鳗鱼粒，将成个炒饭既层次上升。个炒饭超邪恶，每啖都好入味，好似有少少芝士味。不过一个人食晒既话到尾会有啲油腻，最好同人share食😚洋葱牛肉温泉蛋饭都好食既，不过无鳗鱼饭咁惊喜。牛肉汁同啲蛋汁捞埋饭食一流，加埋啲洋葱腍腍地系不错既。个牛正常发挥，都几有牛味😂。每个饭包碗味噌汤，碗汤不过不失，唔系纯用粉冲，都有啲配料嘅，食完鳗鱼饭饮碗汤可以解下油腻。