Dr. Italian Pizza & Pasta (已結業)

呢间小店系位于Go Go Mall一楼嘅food court里面，店面贴左好多唔同嘅pizza相，好吸引。另外仲有介绍餐厅老板兼大厨系曾经向中环法国餐厅同跟过米芝莲二星大厨学艺嘅添!Food court占左大半层，所以好多位坐，当然亦可以选择外卖。今次我就系外卖自取嘅。餐牌里面菜式选择都好多，我就觉得果d几人餐唔错，set好晒只系选口味就得，好方便好适合朋友聚会点餐。2-3人餐（$130）包一个细批（8吋）、一个意粉、小食、汤/甜品/饮品（任选两客）。呢个真系中学生价钱，好平。奇妙鸡软骨细细粒炸得脆，而且唔厚粉，咬落好爽口。千岛夏威夷pizza好足料呀，有超多菠萝、烟肉、粟米同火腿，芝士好多，攞到番屋企仲有拉丝效果，正呀。黑松露卡邦尼意粉成个餐最喜欢呢款食物，一打开盒就闻到浓郁嘅松露味，而且仲有好多煎过嘅烟肉，好香口。酱汁非常浓稠，可以紧紧挂向意粉上面，食落好满足。草莓奶冻草莓味道较淡，奶味重，质地好滑，都唔错。