影片
更多
2011-04-25
25 浏览
见今日系复活节最后一日，我建议中午唔好煮饭，走去屋企附近一间新开嘅点心小店<点心友>饮茶；呢类型嘅点心小店开到成巷成市，继<添好运>及<一点心>荣获＂美芝莲＂推介之后，不知下次会系边间点心小店呢？点心小店努力呀！点心小店比较酒楼优胜之处，相信系用料新鲜！以虾为例，酒楼多以雪藏虾；点心小店则用新鲜虾，所以，虾饺系必点之选！今日始终系假期，就算个舖位唔就脚，12:00 后，我哋一行 3 人都要等 5~6 张，足足等咗 15 分钟。门口位女店员好有礼貌，不断向各等候食客道歉，唔好意思要等一阵。 先叫 Number ，话声俾食客知张枱 set up 紧要等多一等，都 OK 啦！话哂做街坊生意。由于，点心系即叫即蒸，需时15 分钟；换言之，总共等足 30 分钟！只有蒸饭嘅供应时间：早上 10:30 ~ 下午 5:00，晚市同样有点心供应，只系以煲仔饭代替蒸饭。营业时间：早上 10:30 ~ 晚上 11:00 ( 下午 5:00 ~ 6:00 休场 )呢度中式装潢，相当骨子！墙上挂著红黑色仿剪纸图案画，简单别致！ 可惜，场内十几张枱，有 1 张大圆
点心小店比较酒楼优胜之处，相信系用料新鲜！以虾为例，酒楼多以雪藏虾；点心小店则用新鲜虾，所以，虾饺系必点之选！今日始终系假期，就算个舖位唔就脚，12:00 后，我哋一行 3 人都要等 5~6 张，足足等咗 15 分钟。
门口位女店员好有礼貌，不断向各等候食客道歉，唔好意思要等一阵。 先叫 Number ，话声俾食客知张枱 set up 紧要等多一等，都 OK 啦！话哂做街坊生意。
由于，点心系即叫即蒸，需时15 分钟；换言之，总共等足 30 分钟！
只有蒸饭嘅供应时间：早上 10:30 ~ 下午 5:00，晚市同样有点心供应，只系以煲仔饭代替蒸饭。
营业时间：早上 10:30 ~ 晚上 11:00 ( 下午 5:00 ~ 6:00 休场 )
呢度中式装潢，相当骨子！墙上挂著红黑色仿剪纸图案画，简单别致！ 可惜，场内十几张枱，有 1 张大圆枱，以 4 人枱为多，颇为挤迫！缺乏空间感！
全店全日免收加一服务费，明码实价！够均真！ 茗茶：$2 / 位，奉上茶包 ( 铁观音 / 普洱 )
点心不设大中小点，由 $10 ~ $28 不等。可分为六系列：蒸点系列、煎焗系列、手拉肠粉、蒸饭、精致包点、精美甜点。
<蒸点系列>
至尊鲍鱼烧卖 ( 2 件 ) $28
全店最贵嘅点心，必要一试！ 以一个小椭圆形蒸笼盛住两件鲍鱼烧卖，相当精致！虽然鲍鱼仔属罐头货色，但原只仍食得出爽口甜美！黄色烧卖皮包住 2~3 只鲜虾，混入一点猪肉，鲜甜无比！ 值得推介！
另有鹌鹑蛋烧卖 $14及蟹籽烧卖 $18。
超级虾饺皇 ( 2 件 ) $14食烧卖点可以唔试埋虾饺呢？虾饺皮晶莹剔透，皮薄馅靓呢点做到！不过，用筷子一夹，皮已经烂咗！ 证明皮未够烟韧！内有2~3 只鲜虾，爽口弹牙！
上汤杞子鲜竹卷 ( 3 件 ) $16 一人一件唔使争！ 可见上汤唔系好油，比酒楼略胜一筹！杞子尚有甜味，鲜竹卷馅料系红萝卜丝、西芹、猪肉、肥猪肉。味道调教得不错！
古法糯米鸡 $18妈咪话古法糯米鸡包括：烧肉1件、叉烧1件、4 份之1只鸡蛋、腊肠1件及些少鸡肉。<点心友> 嘅糯米鸡未及古法糯米鸡丰富！ 只有：腊肠1件、些少鸡肉及鹌鹑蛋1只；糯米份量算多！煮得较为湿腍！ 亦唔会太咸！味道可以接受！
<手拉肠粉> 包括：香茜叉烧肠 $15、梅菜牛肉肠 $15、春风得意肠 $18 及珍宝鲜虾肠 $20
春风得意肠 $18
以一个长碟上枱，肠粉一开六件，够特色！肠粉虽然厚如河粉，但系胜在够滑！ 原来包住炸得金黄松脆嘅春卷，春卷入面系芋头丝及白萝卜丝！馅料加入五香粉，十分惹味！ 洒上一些葱粒可增添香味！只略嫌豉油落得太少！
<蒸饭> 包括：凤爪排骨饭、煎蛋牛肉饭、腊肠蒸滑鸡饭、咸蛋肉片饭，各 $18。
凤爪排骨饭 $18
Size 好似中汤碗咁大，好抵食！ 可要求店员分开上豉油。凤爪只得1只，软腍入味！好食！排骨份量唔算少，起码 5~6 件，用上新鲜排骨，略带肥肉，肉质鲜嫩亦够入味；白饭表面软硬适中！中间比较腍！
<精致包点>包括：怀旧马拉糕 $12、北菇鸡包仔 $12、蜜汁叉烧包 $14、流沙奶黄包 $14、鲜奶蒸馒头 $10 及潮式糯米卷 $12。
流沙奶黄包 ( 3 件 ) $14
3 个细小白雪雪嘅奶黄包，包质松软！我最迟食呢样，仍带有微暖，一咬开，有点流沙感！滑溜奶黄混入切得细细粒嘅咸蛋黄粒，与微甜白色包，起中和作用！
此外，有罐装汽水 $8 ( 可乐、雪碧、忌廉、芬达 ) 。天气热饮汽水最适合不过！<点心友> 用料新鲜！食物即叫即蒸！令首次帮衬嘅我们相当满意！
埋单 $140
张贴
