吉氏

营业中

休息中

近排周末都懒到唔想出外区，于是就喺自己地头揾好嘢食～呢间餐厅同样位于屯门置乐，由两夫妻主理。以往食西餐多数都系锯扒、ribs同意粉，而呢间小店由厨师用心选择新鲜食材，精心烹饪出精致新颖的西餐。食物不仅美味，而且服务可以称得上系fine dining的水准，老板娘会根据我哋嘅用餐进度亲自逐一上餐点，食完每一样又会主动帮手换碟，贴心周到蘑菇私心推介以下菜式：✿青口配茴香酒忌廉汁极尽心思的头盘，摒弃传统烹饪方式，新鲜大只的青口配搭洋葱、红椒同姜丝，茴香酒忌廉汁升华咗成道菜氏，香浓可口，又可以用来点餐包✿是日餐汤（蕃茄）蕃茄经过食物调理机打碎，煮出浓稠餐汤，酸甜交织，令人食欲大增✿香煎阿拉斯加银鳕鱼伴珍珠面又一道新颖菜式。银鳕鱼表皮煎到香脆，鱼肉鲜嫩可口；蘑菇第一次食珍珠面，觉得好得意，口感Q弹，好似食紧珍珠奶茶入面嘅波波，渗入蕃茄味的汤汁，令人回味✿法式焦糖炖蛋焦糖的厚度同硬度啱啱好，薄薄一层先令到甜度如此适中，炖蛋奶香味十足，入口即化，如丝般柔滑，好满足的餐后甜品✿Sangria Red精致的料理当然要配以美酒🍷西班牙传统水果酒Sangria系蘑菇最钟意饮嘅酒类之一，因好啱酒量不佳的我😆新