影片
更多
2024-02-13
627 浏览
好味指数😋😋😋😋回头指数 ⭐️⭐️⭐️⭐️开心指数🤗🤗🤗🤗屯门区基本上我只系识西铁站附近嘅嘢，虽然知道有一D 隐世咖啡店，但都唔太识去！同妈咪行吓市中心同 V-city，发现竟然 Cupping Room 响呢度开咗，我试过中环同上环分店觉得唔错，贵为一间以精品咖啡作卖点同埋攞过咖啡师大赛奖项嘅咖啡店，对于佢嘅咖啡系会有期待嘅，等我试吓呢间分店得唔得先～🍴单品手冲咖啡（$70）Single origin 有四款咖啡豆可以选择，我自己唔太钟意饮带酸味嘅咖啡，经过店员介绍，我拣咗 Victor Felix Ramirez Geisha，呢款系带有橙香、佛手柑、伯爵茶同薰衣草花味嘅咖啡豆，我自己都几钟意饮伯爵茶，尤其钟意入面嘅佛手柑味，都几期待！当我见到咖啡师似系准备冲我杯嘢饮，我就走出去问可唔可以睇同影佢，佢好 nice，冲咖啡前有好多准备功夫，冲咖啡时手法干净俐落，几有功架！手冲咖啡相对机冲咖啡表面冇咗咖啡脂，口感比较清新干净，有圆润感觉，饮到个 after taste 带有茶香味，反而唔太觉佢写嘅薰衣草花味，which is 系我咁多个 description 中最唔钟意嘅，所以我觉得好饮～🍴
回头指数 ⭐️⭐️⭐️⭐️
开心指数🤗🤗🤗🤗
屯门区基本上我只系识西铁站附近嘅嘢，虽然知道有一D 隐世咖啡店，但都唔太识去！同妈咪行吓市中心同 V-city，发现竟然 Cupping Room 响呢度开咗，我试过中环同上环分店觉得唔错，贵为一间以精品咖啡作卖点同埋攞过咖啡师大赛奖项嘅咖啡店，对于佢嘅咖啡系会有期待嘅，等我试吓呢间分店得唔得先～
🍴单品手冲咖啡（$70）
Single origin 有四款咖啡豆可以选择，我自己唔太钟意饮带酸味嘅咖啡，经过店员介绍，我拣咗 Victor Felix Ramirez Geisha，呢款系带有橙香、佛手柑、伯爵茶同薰衣草花味嘅咖啡豆，我自己都几钟意饮伯爵茶，尤其钟意入面嘅佛手柑味，都几期待！
当我见到咖啡师似系准备冲我杯嘢饮，我就走出去问可唔可以睇同影佢，佢好 nice，冲咖啡前有好多准备功夫，冲咖啡时手法干净俐落，几有功架！
手冲咖啡相对机冲咖啡表面冇咗咖啡脂，口感比较清新干净，有圆润感觉，饮到个 after taste 带有茶香味，反而唔太觉佢写嘅薰衣草花味，which is 系我咁多个 description 中最唔钟意嘅，所以我觉得好饮～
单品手冲咖啡
$70
2 浏览
0 赞好
0 留言
🍴焙茶鲜奶（$48）
因为妈咪夜晚唔饮咖啡，拣咗相对比较少店会提供嘅焙茶 latte，卖相精致，试咗一啖，焙茶味浓郁得嚟冇苦味，好饮～
焙茶鲜奶
$48
5 浏览
0 赞好
0 留言
🍴 法式红酒烩牛面扁意粉（$158）
扁意粉上铺咗四大片牛面，牛面好软，牛味浓，仲 feel 到带有骨胶原嘅黏口感，每条扁意粉都包住酱汁，煮到 al dente，正！
法式红酒烩牛面扁意粉
$158
5 浏览
0 赞好
0 留言
🍴北欧式三文治（$128）
可以由6款 toppings 度拣两款，我拣咗红虾同埋香煎带子配牛油果，我开头以为将两款 toppings 放埋同一片面包上，原来系每样一件，切开后都唔会散晒！红虾好新鲜弹牙，酱汁系酸味比较突出嘅蛋黄酱，好醒胃，上面仲有脆脆虾仔，口感更丰富。另一件上面有4只带子，三文鱼籽，仲有好多牛油果蓉，呢款相对比较清新，两款都好味，我自己钟意食红虾多D～
北欧式三文治
$128
2 浏览
0 赞好
0 留言
🍴 法式西多热香饼 - 提拉米苏（$148）
食完 main，心思思想试埋甜品，最后拣咗试 tiramisu。佢嘅 presentation 系 deconstructed version，热香饼有厚度，佢嘅外皮系焦糖，好脆，入面好 fluffy 同 creamy，好香蛋奶味，配埋冻冰冰嘅云尼嗱雪糕，一流！Ladyfingers 同啫喱都系用 cupping room 咖啡做㗎～ 呢款甜品好出色！
法式西多热香饼 - 提拉米苏
$148
1 浏览
0 赞好
0 留言
虽然系大西北嘅分店，质素同中上环嘅一样咁出色，环境坐得舒服，大西北或者想响西铁站附近揾有质素嘅 coffee shop 嘅朋友可以嚟试吓！
☆My IG @tracyloveliving ☆
张贴
