影片
更多
2023-07-26
59 浏览
星期 三系离假期最远既日子，放工最好成班同事/朋友齐齐去揾好野食松一松!最近朋友行开屯门话成日经过见到呢间日式烧肉放题好想试下，就拉埋我一齐去试试佢!放题分左4个种类，我地第1次试，就叫左个2级 竹放题来试试佢先，2级都已经有93款可以叫，真系唔算少。入到去店内都唔细，卡位都多，4人位8人位都有，叫多几个朋友来食应该都唔洗分开坐。我地7点15入座唔算好爆，大约坐左半个场左右，不过差不多8点左右既时候就坐左7 8成人啦。坐低就开始战斗啦!! 前菜可以自己出去拎，沙律，生菜，墨鱼仔，泡菜，中华沙律，麻酱豆腐款式都唔少。我就先拎左墨鱼仔同泡菜试下先~~墨鱼仔好爽口，系平时日式料理入面味付螺肉既调味，微微辣，好开胃! 泡菜略酸，开胃之选，泡菜同烧肉一齐食可以解油腻感，非常开心有泡菜因为系同烧肉既最佳伴侣。饮品都系自己出去拎，有汽水有各款茶可以简，唔想饮冻野都有热茶同咖啡可以饮。见到有呢款道地蜜桃乌龙茶!未试过又可以试下新野，烧肉配茶解腻我地坐到卡位有2个炉可以烧，增加我地既战斗力阿!一坐低店员就先上一个尝味烧肉盛，有和牛一口牛，安格斯牛肋条，上级牛胸肉，牛肋肉，牛小排等等。仲好贴心附埋牛油脂!
最近朋友行开屯门话成日经过见到呢间日式烧肉放题好想试下，就拉埋我一齐去试试佢!放题分左4个种类，我地第1次试，就叫左个2级 竹放题来试试佢先，2级都已经有93款可以叫，真系唔算少。
入到去店内都唔细，卡位都多，4人位8人位都有，叫多几个朋友来食应该都唔洗分开坐。我地7点15入座唔算好爆，大约坐左半个场左右，不过差不多8点左右既时候就坐左7 8成人啦。
坐低就开始战斗啦!! 前菜可以自己出去拎，沙律，生菜，墨鱼仔，泡菜，中华沙律，麻酱豆腐款式都唔少。我就先拎左墨鱼仔同泡菜试下先~~
墨鱼仔好爽口，系平时日式料理入面味付螺肉既调味，微微辣，好开胃! 泡菜略酸，开胃之选，泡菜同烧肉一齐食可以解油腻感，非常开心有泡菜因为系同烧肉既最佳伴侣。
饮品都系自己出去拎，有汽水有各款茶可以简，唔想饮冻野都有热茶同咖啡可以饮。
见到有呢款道地蜜桃乌龙茶!未试过又可以试下新野，烧肉配茶解腻
我地坐到卡位有2个炉可以烧，增加我地既战斗力阿!一坐低店员就先上一个尝味烧肉盛，有和牛一口牛，安格斯牛肋条，上级牛胸肉，牛肋肉，牛小排等等。
仲好贴心附埋牛油脂! 虽然放题叫既肉都可以有调味汁，但店家都会提供烧肉汁同海塩。
大家放工都饿到爆，一来就点肉肉肉!!估唔到肉品既调味都有5 6款可以简，王道既烧肉汁，塩味，味噌汁等等，最特别见到有日式竹炭烧肉汁可以简，就等我试下先!
上面系美国特选和牛牛肩脊肉，2面烧有少少微焦，边位脆口，中心油花充足，一D都唔干!下面左边系牛小排右边系牛板踺，牛小排肉感重有咬口肉味较浓，不过自己同朋倾得太热烈，烧得有少少过熟，大家食个阵记得睇实个火阿!
烧肉一定唔少得牛舌，牛舌配烧肉汁都系冇得输!口感爽口再配上芝麻多左一个层次, 薄薄一块唔算太肥可以食多几块都唔会腻!
试完牛又试下猪肉先，今次叫左豚梅肉同豚腩肉。豚腩肉唔算太肥，层次都分明，配埋泡菜食即刻有种自己食埋韩烧既感觉。
而豚梅肉就肉感较重，唔中意食肥腻油脂感太重既人士一定中意呢款。
试完豚肉又点少得鸡肉呢!见到有芝士鸡脾肉可以叫，作为芝士控既我点可以唔叫来试!!
锡纸盘上菜，但系只系用锡纸盘传热唔够快比较花时间，所以最后我选择鸡同芝士分开烧~ 将烧好既鸡肉放上去溶哂既芝士度可以拉丝阿!!
鸡翼都好嫩滑有汁~
肉食得差唔多，中埸休息下，试下菜品同其他小食先。
我实在系抗拒唔到牛油金菇既威力，仲有牛油粟米!!!
仲有日式芝士年糕(芝士控唔好错过)
烧菠罗一流，烧到刚刚好，非常juicy!
烧肉除左配泡菜配饭都系好正，仲有温泉蛋可以点! 紫菜饭加温泉蛋再淋上台面既烧肉汁，再配埋一块刚刚烧好既牛肉绝配阿!
进入甜点时间~除左有雪糕雪条，仲有小蛋糕可以拎~
蛋糕分别有芒果慕丝蛋糕，提子干芝士蛋糕，黑芝麻豆腐蛋糕，朱古力慕丝蛋糕，仲有忌廉泡芙。黑芝麻豆腐蛋糕味道最清，建议最先食。
芒果慕丝蛋糕芒果味好出，系食左咁多肉之后对味蕾非常友好。
最令我惊讶系朱古力慕丝蛋糕，朱古力味浓，入口软滑，而且唔太甜系我中意既朱古力味!
雪糕雪条都唔少款简，有lotte既脆皮雪条，非常高人气，出到去拎既时候已经得番2支，中意食脆皮雪条既朋友仔记得要快手阿!芒果雪糕杯原本以为会好硬要放好耐先食得，结果一打开已经系食得既软硬度! 芒果味几香都有奶味。
最后居然有明治既雪条~呢支系海塩荔枝味，原本以会唔会唔夹，点知出到来个味道好清新, 外面海塩真系会有少少咸味，配埋入面荔枝雪糕非常清爽，好岩系食完油腻既烧肉之后食为呢一餐画上一个句号。
张贴
