阿一雲南酸辣米綫

营业中

休息中

屯门探亲后揾地方晚饭医肚, 发现富健马路边有数间路边档, 系呢间人头涌涌, 就决定响度等下位, 本来谂住要等好耐, 最后都系等左10分钟就有位。鱼腩蚝仔粥($29)好大碗，蚝仔只只都涨卜卜，鱼腩又大大旧，味道有点偏淡，但姜丝十足，很不错。椒盐鸡翼尖($28)，有15只左右啦，鸡翼尖腌得好入味，鸡皮炸得香脆，加上有少辣既炸蒜，好惹味既一碟。双料煲仔饭($34)即叫即做，需时10-15分钟，腊鸭＋滑鸡好好味，腊鸭咸咸香香，没有鸭膻味，份量很足，焗佢一阵先开盖，加上煲仔饭的豉油，有少少饭焦，香口美味。酸菜腩肉炒米线($30)，大大碟都几辣，米线淋左少少，加上酸菜味道ok，腩肉片都有6-7块, 都算系咁。