餃里 (悅湖商場) (裝修中)

入黎屯门探朋友，突然提议食饺子，朋友推介我黎呢度，话呢度啲饺子有水准，于是特登渣架车入黎买外卖。呢度可以自由选择单拼双拼，汤/煎饺子同加套餐，我地全部选晒煎饺我试左泡菜、芝士粟米、咖哩鲜肉饺。泡菜鲜肉饺几特别，唔系好多饺子店都有，入面馅料足。中意浓郁口感既朋友推介咖哩鲜肉，入面仲加左洋葱，好惹味。朋友就试左煎椰菜、芹菜、香荽鲜肉饺，三样都系重香菜味道。朋友话推荐芹菜饺，芹菜份量多，而且饺子皮够薄身，咬落仲有肉汁流出黎。