반찬앤쿡 Banchan and Cook (屯門市廣場1期)

营业中

休息中

行开屯市，去到food court揾嘢食，发觉一间几靓嘅西韩fusion餐厅，于是入去试下。食物选择都几多，大路炸鸡以至各式主食同特饮都有得叫，今次因为样样都想试，就叫咗二人餐，有齐两份主菜、一份小食同两杯特饮。餐前送小菜一碟。咖喱甘笋蛋包饭配汉堡扒首先只蛋好出色，切开后呈半熟流心状态，够晒滑！汉堡扒好厚肉，而个饭底都有加入唔少配料如薯仔、甘笋炒香，加埋咖喱汁同蛋汁真系劲好食！甘笋汁香脆猪扒长通粉呢个感觉比较西式，正确嚟讲应该系甘笋忌廉汁，长通粉好挂汁，仲有炸到脆一脆嘅猪扒，唔错！炸鸡拼盘有六只味拣，可拣三只味，今次试左甜辣、芝士、蜜糖，每只味有四件。炸鸡炸到非常香口juicy，选用无骨鸡件啖啖肉。甜辣同蜜糖都好挂汁，芝士味就系加香浓芝士粉，好邪恶！Oreo盆栽蛋糕甜品卖相好得意，面层Oreo碎扮泥土，入面就系好多层嘅牛奶同朱古力mousse，有好浓朱古力味，正！济洲绿茶鲜奶热绿茶Latte相当有茶味，唔算好甜，都几好饮焦糖苹果红豆沙冰配搭好特别，饮落有一阵苹果带嚟嘅清新，唔会一味死甜，仲有粒粒红豆可以食下成个餐份量十足，好够饱亦都好好食，蛋包饭最出色，有机会一定要试下！