木玥巷

营业中

休息中

呢排仲未有得去旅行但系又挂住台湾嘅嘢食，朋友就介绍我嚟呢间木玥巷到试吓。呢间舖装修简约有小小日式风格，坐落都几舒服，但系作为一个食肆最重要都系啲嘢食。我地叫咗个盐酥鸡试吓，发现呢到嘅盐酥鸡非常香脆，但系又冇出面用好多面粉包裹，只系得薄薄一层，非常有咬口又有鸡味。配埋个柚子汁，简腻一流，系我系香港食过最好食嘅盐酥鸡！正餐到就叫咗个红烧牛肉面同安格斯卤肉饭。个面汤底清甜不油腻，牛肉亦都系厚切，咬落去好有质感，牛肚有鲜味爽口，个牛筋咬落去亦都好软滑，啲骨胶原爆晒出嚟。至于个安格斯牛肉饭简直系好食到叫出嚟，啲牛肉肉碎炒得好香，配埋个白饭简直系绝配。最后我地叫咗两款饮品，店员推介话系最新推出，咁就当然要试试佢啦。一个系寒天多多，乳酸饮品个味唔算特别重，个白桃又唔会太甜，有种好清新嘅感觉，啲寒天又唔会好硬但同时又好有质感。另一个系黑糖寒天欧蕾，黑糖嘅糖香加埋欧蕾嘅奶泡香滑，甜得嚟又唔腻，仲有阵阵奶香，非常推荐大家试吓。