再來一煲 (好發大廈)

营业中

休息中

🤩鸡煲🤩系我嘅字典入面四季任何时候都可以去食🤭之前凑完个女上兴趣班，见到青桥径有间铺食鸡煲，mark底左，今日过嚟试下先门口壁画以猫猫🐱为主题，好吸睛以食鸡煲铺头嚟讲，店内好干净企理，坐位阔落好坐，绝对系加分位座低嘅时候，店员会畀一碟六格嘅酱料同一樽豉油畀我哋调酱汁，辣椒粒、炸蒜、芫茜、葱粒、蒜蓉，仲有自家制XO酱招牌魔鬼鸡煲一开始打算嗌小辣，但系老板提醒我哋，佢哋嘅鸡煲比一般般鸡煲嘅辣度辣啲，所以就嗌咗BB辣（下次我可以再试小辣）呢度嘅鸡煲系落咗墨西哥辣椒，比起出面嘅指天椒更加辣，又加咗柠檬叶的确会香啲，比起其他鸡煲就咁花椒八角更加有层次另外食出有啲甜甜地嘅味道，煮到好浓之后都唔会有普通鸡煲越食越咸鸡煲入面另外嘅配料有洋葱、木耳、荷兰豆等..最出色系豆卜，好吸汁，吸咗咁多汁都唔会死咸，而系甜甜地，少少微辣鸡件上台时大约4/5成成熟，会搅一两次先食得，原来呢个做法会令啲鸡好嫩滑！另外店员都会过嚟两三次帮我哋兜下，服务态度唔错我地另加左猪皮同鸭舌，猪皮系超入味😍由于主要系食鸡煲，之后加汤打边炉我地只叫左一碟𩠌珊瑚蚌拼桂花蚌好新鲜嘅珊瑚蚌同桂花蚌，份量好多食极都仲有，口感烟韧弹牙食落又爽又