影片
更多
2022-10-09
2208 浏览
一到weekend就好钟意同屋企人去饮茶 饮得多都系个几样嘢 今次就揾左间多选择嘅 尤其系甜品特别多嘅酒楼试下～我地嗌左好多酒楼少见嘅甜品 而味道都真系唔错🍡宫廷妃子笑见到妃子笑就会觉得佢应该同荔枝有D关系 其实都真系！佢外表系整成一粒荔枝嘅样 有D红色嘅一粒粒痴系圆波嘅出面 而呢粒「荔枝」其实就系煎堆！但系入面就唔系传统豆沙 而系流沙奶皇！出面煎堆皮嘅软糯口感都似汤圆咁 绝对推介！🥟奶皇吉士雪山包通常出面嘅雪山包都系叫雪山叉烧包 但系呢间入面就反而用左奶皇吉士 本身以为佢同流沙包差唔多 但系原来真系拉丝嘅custard feel 呢只会比较偏厚实 所以内馅未必人人钟意 外皮嘅雪山酥皮就冇得输！都推荐🥐大良鲜奶一口酥继上次食完大排档炸鲜奶之后我对炸鲜奶就有执念了🥺呢间炸鲜奶入面嘅鲜奶都系custard状 唔会太甜腻 出面皮就略嫌会有小小油 但系整体口感唔错！🍮玫瑰奶皇糕首先要赞一赞佢嘅玫瑰奶皇糕真系玫瑰外型🥺仲以为类似千层糕嘅样 但系口感就真系同千层糕一样 味道会比较淡小小 咬开会发现有奶皇内馅 似奶皇蓉咁 几好味！🥞原笼斑斓马拉糕望落以为系抹茶 但系其实系斑斓味喔 马拉糕组织几好 蛋
🍡宫廷妃子笑
见到妃子笑就会觉得佢应该同荔枝有D关系 其实都真系！佢外表系整成一粒荔枝嘅样 有D红色嘅一粒粒痴系圆波嘅出面 而呢粒「荔枝」其实就系煎堆！但系入面就唔系传统豆沙 而系流沙奶皇！出面煎堆皮嘅软糯口感都似汤圆咁 绝对推介！
🥟奶皇吉士雪山包
通常出面嘅雪山包都系叫雪山叉烧包 但系呢间入面就反而用左奶皇吉士 本身以为佢同流沙包差唔多 但系原来真系拉丝嘅custard feel 呢只会比较偏厚实 所以内馅未必人人钟意 外皮嘅雪山酥皮就冇得输！都推荐
🥐大良鲜奶一口酥
继上次食完大排档炸鲜奶之后我对炸鲜奶就有执念了🥺呢间炸鲜奶入面嘅鲜奶都系custard状 唔会太甜腻 出面皮就略嫌会有小小油 但系整体口感唔错！
🍮玫瑰奶皇糕
首先要赞一赞佢嘅玫瑰奶皇糕真系玫瑰外型🥺仲以为类似千层糕嘅样 但系口感就真系同千层糕一样 味道会比较淡小小 咬开会发现有奶皇内馅 似奶皇蓉咁 几好味！
🥞原笼斑斓马拉糕
望落以为系抹茶 但系其实系斑斓味喔 马拉糕组织几好 蛋糕体唔会太厚都唔会水分过多 相比原味嘅话斑斓味都算几新颖 可以试下～
🥟黑金流沙奶皇包
feel到呢度嘅流沙包外皮应该真系有黑芝麻而唔系斋竹炭 因为咬开会有食紧芝麻汤圆嘅感觉🤣 而流沙都非常流心 会有D辣口 几正！
🥞粗粮小米糕
呢个组织系好松散嘅 因为系小米嘅缘故～不过好钟意呢只口感 唔会太漏 会有粗粮类似粟米嘅清甜感
🥩酱皇麒麟金钱肚
呢度金钱肚系长条形而唔系好厚好阔一块 可能系因为咁所以就唔系好索汁
整体来讲呢度会好啱钟意食甜品嘅人 尤其食中式甜品呢度就有好多选择 超出一般酒楼嘅包同埋红枣糕等等！
📌 名苑 (屯门)
屯门屯隆街3号屯门市广场一期3楼3230号舖
张贴
