影片
更多
2023-11-29
1071 浏览
天气凉凉哋就系要打边炉食鸡煲！🔥最近虹桥又开咗间食鸡煲，不过就唔似对面𠮶间有得任食，反而系逐碟叫。🥢虽然单价比较贵，但食物质素、环境同服务都好好多，所以呢几晚都特别多人！其实再来一煲喺元朗开过嚟，听闻都几出名。虽然系小店，不过都几大几光猛，冷气都好足，唔怕食到一阵味！🤪而最值得赞就系服务，店员竟然会不时帮客人隔走锅面嘅油，又快手又干净，平时啲港式鸡煲店好少会咁做呢！食物方面主打一定系鸡煲🐥，亦可以就咁打边炉或者食烤鱼🐟，食材就有手切牛、猪肉片、丸类等等。比较特别嘅系，有生腌海鲜供应，老板以秘制酱料生腌广岛蚝、阿根廷红虾、三文鱼同帆立贝，我就唔多敢食，不过见现场都唔少人点㗎！🐓招牌魔鬼鸡煲 $198作为招牌，呢个鸡煲用咗秘方去整，今次叫咗唔辣，但依然好惹味！少少嘅麻，加上浓郁偏甜嘅鸡煲酱，食到唔停口！半只鸡嘅份量好多肉，锅入边仲有啲豆角同葱蒜芹，好香好入味！🥩牛魔王拼盘 (例牌) $348无肉不欢嘅我，打边炉又点可以无牛！呢度除咗手切肥牛，仲有个牛魔王拼盘，一碟有 6种牛，加埋牛丸，两个人食到超饱！当中嘅安格斯牛小排油花好丰富，厚薄适中，入口轻咬即化，而新鲜滑牛加上生鸡蛋又滑又软腍。最正
其实再来一煲喺元朗开过嚟，听闻都几出名。虽然系小店，不过都几大几光猛，冷气都好足，唔怕食到一阵味！🤪而最值得赞就系服务，店员竟然会不时帮客人隔走锅面嘅油，又快手又干净，平时啲港式鸡煲店好少会咁做呢！
食物方面主打一定系鸡煲🐥，亦可以就咁打边炉或者食烤鱼🐟，食材就有手切牛、猪肉片、丸类等等。比较特别嘅系，有生腌海鲜供应，老板以秘制酱料生腌广岛蚝、阿根廷红虾、三文鱼同帆立贝，我就唔多敢食，不过见现场都唔少人点㗎！
🐓招牌魔鬼鸡煲 $198
作为招牌，呢个鸡煲用咗秘方去整，今次叫咗唔辣，但依然好惹味！少少嘅麻，加上浓郁偏甜嘅鸡煲酱，食到唔停口！半只鸡嘅份量好多肉，锅入边仲有啲豆角同葱蒜芹，好香好入味！
🥩牛魔王拼盘 (例牌) $348
无肉不欢嘅我，打边炉又点可以无牛！呢度除咗手切肥牛，仲有个牛魔王拼盘，一碟有 6种牛，加埋牛丸，两个人食到超饱！当中嘅安格斯牛小排油花好丰富，厚薄适中，入口轻咬即化，而新鲜滑牛加上生鸡蛋又滑又软腍。最正系牛白，睇落似肥腻，但口感爽脆，油香十足！
🫓0.03纸豆腐 $32
纸豆腐食法真系超搞笑，放喺火锅面吸晒啲精华，超级惹味！
🍍劲菠萝沙冰 $48
菠萝沙冰好大饮，甜度适中，送鸡煲一流！
张贴
