eaaat. (V City)

营业中

休息中

成日都经过依间餐厅，但系一直都冇行入去嘅意欲🥺可能因为系正角落头同埋正正电梯口，好多时都费事企定定系度望佢门口个Menu，今日见少d人，望一望又好似几啱食㖞😳叫左黑毛猪鞍扒伴苹果蓉配薯条($178)跟餐配左一份蘑菇汤同面包，略嫌蘑菇汤蘑菇味唔够浓厚，亦冇creamy嘅口感🙁个人觉得一间餐厅好食嘅猪，绝对难整过牛呢份猪鞍扒绝对系有惊喜😍唔会煎得太干身，有口感，咬落去有韧度，亦好juicy，唔会有松肉粉味或者雪藏味😍唯一要弹嘅系外皮煎得唔够脆，如果可以做到外脆内软，就真系一流🤤不过以呢个价钱黎讲，已经颇出色😌本身猪扒嘅调味已经足够，加上唔会好似一般餐厅有一浸好大嘅雪藏味，所以就算唔点汁，都已经好够味。反而点左随餐附上嘅烧汁，会令到本身猪扒嘅味道略带逊息。😢卖相唔差，但如果薯条可以另外摆开会更加好。因为食到中段，薯条已经变咗有少少油浸嘅感觉，因为薯条放咗喺猪扒底，吸收左猪扒嘅油份，令到薯条变淋左，系唯一嘅美中不足。