夢の丼 (已結業)

屯马线开通之后, 真系可以去多好多地方。 今日同朋友过到黎土瓜湾，佢特别介绍要黎这间梦之丼试下。 所以今晚就黎试下啦。 佢对住大马路既路口, 非常易揾, 一眼就见到。入到去就好有居酒屋既感觉。 一坐底就上味噌汤同沙律菜, 好有日本传统既版面。我地特登点左2个丼饭, 因为真系好出名。 花锦鱼生丼, 刚好有优惠, 真系好抵。 成个饭面都放满晒角切鱼生, 仲有好多鱼籽, 熟蛋, 渍蛋, 好多𩠌味道又好夹。 而且佢下面既饭已经加左特别既豉油酱汁, 捞埋一齐食, 真系好正。梦之丼我估系佢地既招牌丼。 入面有大大只牡丹虾, 带子, 拖罗, 吞拿, 本来仲有海胆, 可惜今日冇货。 不过都够鲜啦。 而食这个梦之丼仲配左个特别既柚子醋, 果然超好味。 饮左后再食饭, 真系更加鲜味。仲有矶烧帆立贝, 真系入口即溶, 又鲜甜。法国生蚝, 好少有日本餐厅有咁鲜味既蚝。当然唔少得食刺身: 深海池鱼刺身, 牡丹虾刺身(超大只又爽口), 左口鱼边寿司。 冇谂过土瓜湾都有咁好水准既日式餐厅。 真系不能错过。而最特别一提既系佢既厕所。 真系好少餐厅会有咁干净既厕所。 超级抵赞。