彩龍茶樓

营业中

休息中

行山途经川龙都会经过彩龙同端记，但就从未试过。朋友仔话想一试山上茶楼，所以就一齐去体验下。谂住去端记但好多点心售罄，所以转战彩龙。基本上揾位，开茶，拎点心都系自助形式。简单分开几个区：点心，肠粉，煎炸物，西洋菜，冲茶。揾到个室外位对住马路，空气流通；然后去洗茶叶去开茶，感觉几得意！点心咭，见咩想食就拎拎拎，圈圈圈，经过几次冲峰陷阵后，终于有啖 ”安乐茶饭”即渌自种西洋菜，真系新鲜，唔点腐乳豉油，个菜已经甜到笑蒸点心唔够热，口感味道大打折扣；排骨凤爪腌味唔够，底层嘅饭太油，有点糊口；煎炸物即场做，但人多场面有D乱，其中一条较厚嘅虎尖椒，因煎时间唔够，鱼肉未熟透食物期望有落差，但个人觉得呢度系食个气氛，特色地道，有记忆点嘅，啱打卡。如果经过，坐低饮啖茶食个包，系一个唔错嘅歇脚点同不错嘅本地体验。