泰聚 (已結業)

如果唔系因为朋友住天水围，恐怕真系唔会摸到呢度揾食。虽然似乎系村屋改装，但地方却铺排得相当唔错。特别系天气干爽，坐在外面食饭倾偈确实心旷神怡！乡郊地方，泰菜却相当地道。那窝芋头饭，除咗香芋之外料多到数唔到；𠮶窝青咖喱鸡除咗好夹薄饼、蒜蓉包之外几乎由头带到尾。条烧乌头肉厚质软，唔怪得潮州人称之为「鱼饭」，就算唔醮汁，味道都好清香。虾饼同烧鱿鱼筒亦同样有水准。最近要系埋单完全唔贵，包泊车。如果下次你唔觉意揸车撞咗入元朗或者天水围，呢度的确可以一试！