影片
更多
2007-08-17
10 浏览
上次去食过鲁一居之后, 我返来都有写食评, 禽晚又去食, 返来本来又想写一写, 但见到大家好似唔多了解山东菜, 不如等我呢个正宗山东人同大家分享下我识既皮毛呀... 鲁菜系中国八大名菜之一, 照我亚爷所讲, 点解可以做到八大名菜之一呢? 系因为古时, 北京大多数既御厨都系来自山东的, 到依家烟台福山都系出名厨既好地方, 所以京鲁菜好相似, 而部份京菜更加系由鲁菜而演变过来的... 最出名既就系全聚德烤鸭就系来自山东的.依家介绍下我由细食到大既山东菜... 1. 我最钟意0既系山东手撕鸡, 腌过夜, 再炸, 再蒸, 再要等到佢冻左先食得... 亚妈话好烦, 所以好少整. 所以大多数都系过节先有得食... 一系就出街食…2. 猪蹄冻(即系大家所讲既洧肉), 晌屋企整既紧系冇咁靓啦, 煮好后, 成盘摆落雪柜, 结成0者0里就食得, 但煮既过程又系好烦, 亚妈又系懒得就懒... 过节咪整一大盘俾我地过下瘾啰. 3. 讲下汤呀... 山东人唔会好似广东人咁煲老火汤, 但会将好多料摆埋一齐整成汤菜, 所以就有鸭骨汤啦, 又或者呢d就系山东人既节俭习惯啦... 4. 讲起山东菜, 因为大多数地方都沿
鲁菜系中国八大名菜之一, 照我亚爷所讲, 点解可以做到八大名菜之一呢? 系因为古时, 北京大多数既御厨都系来自山东的, 到依家烟台福山都系出名厨既好地方, 所以京鲁菜好相似, 而部份京菜更加系由鲁菜而演变过来的... 最出名既就系全聚德烤鸭就系来自山东的.
依家介绍下我由细食到大既山东菜...
1. 我最钟意0既系山东手撕鸡, 腌过夜, 再炸, 再蒸, 再要等到佢冻左先食得... 亚妈话好烦, 所以好少整. 所以大多数都系过节先有得食... 一系就出街食…
2. 猪蹄冻(即系大家所讲既洧肉), 晌屋企整既紧系冇咁靓啦, 煮好后, 成盘摆落雪柜, 结成0者0里就食得, 但煮既过程又系好烦, 亚妈又系懒得就懒... 过节咪整一大盘俾我地过下瘾啰.
3. 讲下汤呀... 山东人唔会好似广东人咁煲老火汤, 但会将好多料摆埋一齐整成汤菜, 所以就有鸭骨汤啦, 又或者呢d就系山东人既节俭习惯啦...
4. 讲起山东菜, 因为大多数地方都沿海(起码我乡下系海边), 所以好多(食送)都有海产... 另外, 山东出好多蔬果, 所以菜类都好俾利用晌山东菜入面, 但最主要呢, 山东人系以面食为主, 面条, 包, 饺子…唔系咁多(食送)食…
5. 面条…最主要系分捞面, 好似炸酱面, 混拌(好似咁上下叫法), 再分就系汤面啦, 有肉碎(好似担担面咁上下), 海鲜, 菜呀, 就咁几条葱开汤又得, 空间好广…猪肉渣加几条葱既面系我既最好…
6. 包子…就分发面包子(最出名既就系山东大包)…即系个皮经过发酵的包子, 用料又系同面条差唔多, 空间好广, 肉类(类似天津最出名既狗不理包子, 不过山东人叫排骨包, 口味都唔多一样), 海鲜类, 菜类, 木耳呀, 乜都得…另外就系汤面包子(最出及既算系类似小笼包既汤包仔), 即系个皮用热水开的…猜下就即时可以用来整汤包仔…呢个大多数系用来整肉包的, 牛肉, 猪肉, 羊肉, 驴肉…蒸出来有汤0既…
7. 饺子…呢个系大多数山东人既至爱…煎来食又得, 水煮又得, 蒸又得…睇报纸话鲁一居既厨师系正宗山东人, 所以我地全家人对佢既饺子要求都特别高…好彩食过都过关, 起码最”烟尖”既亚叔冇出声踩呀…哈!
讲咁多…唔系想话之前大家讲得唔0岩…而只系觉得其实山东菜又好, 北京菜, 上海菜, 天津菜, 大家既食物都差唔多…只系口味有唔同, 就好似上海菜咁, 佢既口味对我地山东人来讲就会觉得偏甜, 而京菜既口味就同我地好接近啰, 所以以前香港冇山东菜时, 我地个个星期都去食京菜, 因为亚叔要食饺子嘛…
个人意见呀…如果一间餐厅食古不化, 千篇一律…咁我地做食客0既, 都唔会再想去第二次啦…所以做为一个山东人, 觉得鲁一居以山东菜做主打, 再按香港人既口味做出好既变化, 我个人觉得可以接受…所以我地会keep 住去食家乡菜.
张贴