同人鍋 (已結業)

冇食一排边炉，呢排边炉隐又起喇！今次就去到佐敦打边炉！今次已经唔知第几次喺系山林道揾食喇！呢间同人锅好特别，系先食鸡煲，后打边炉，都几创新下。铺头非常阔落，冷气好够，坐得好舒服，而且侍应服务好好，细心哋讲解点样打边炉食海鲜。鸡煲好香好足料，食落又唔会好韧，都几滑下。我哋之后仲加埋啲红薯粉落鸡煲入面一齐煮，红薯粉烟烟韧韧，口感好得意。食完鸡煲，就开始打边炉喇！我哋叫咗超级多火锅配料，又肉又海鲜，超级丰富！火锅肥牛自家制响铃新鲜蔬菜水晶饱同饺子个水晶饱系我最钟意嘅芝麻味，仲有抹茶味添啊！呢度嘅芝心丸同午餐肉好特别，第一次用午餐肉打边炉，都唔错！仲有好健康嘅芋丝啊！登登登凳！全晚焦点终于出场啦！就系一大碟海鲜！等我介绍一下啦！韩国蚝固名思义来自韩国，超大只，又新鲜；有特大澳洲蚬，蚬肉超级爽口；青口都有好大阵海水味；仲有原只鱿鱼，四只大虾，鲩鱼片，最犀利就系四只大鲍鱼！鲍鱼好甜又唔韧，打边炉食鲍鱼真系好豪啊！呢度而家做紧意大利雪糕推广，只要你喺facebook打卡，就可以有免费雪糕一杯，有芝麻味、朱古力味同士多啤梨味等。山林道真系好多好野食啊！大家快啲去打边炉啦！