影片
更多
2024-08-25
1353 浏览
喺餐厅林立嘅山林道，有间价钱合理，嘢食又几靓，仲唔会坐得好逼嘅cafe。“喺度做乜” (Whatsup Cafe)我冇写错餐厅名，佢真系叫”喺度做乜”😂。一入去，楼底高，餐枱有一定距离，已经可以加分。当然，通常有空间感餐厅，最后都系喺价钱上反映番，尤其呢度系市区中心。不过，一睇之下，好多嘢食价钱都几合理。如果叫set dinner很多都只系卖百几蚊，相当平民。不过，今晚胃口唔多，我哋选择散叫，可以叫啲更特别嘅嘢食。Tiramisu Latte $68 - 呢杯咖啡，不，应该话作为甜品饮品，佢实在太出色。热辣辣嘅奶泡，温柔嘅咖啡味，用嚟点咖啡嘅饼干，加埋一齐可以当系好有层次同满足感嘅热饮。鹅肝蒜香法包 $128 - 表面上128已经系正统餐厅价钱，但要留意佢有两件，加上佢嘅鹅肝好厚身，其实我觉得都算抵食。至于外脆内软呢啲，就理所当然，最重要系冇特登铺层粉喺面。白松露惹菌忌廉配酥饼 $78 - 好啦冇乜胃口，谂住叫个小食，点知嚟到咁大份😂。结果我哋未上甜品已经饱晒。咁当然主要系白松露惹菌酱系好惹味，我哋自己食多咗😅，而酥饼都唔少嘢。开心果牛角窝夫(转抹茶雪糕) $68 - 算啦，区区一个甜
喺餐厅林立嘅山林道，有间价钱合理，嘢食又几靓，仲唔会坐得好逼嘅cafe。
“喺度做乜” (Whatsup Cafe)
我冇写错餐厅名，佢真系叫”喺度做乜”😂。一入去，楼底高，餐枱有一定距离，已经可以加分。当然，通常有空间感餐厅，最后都系喺价钱上反映番，尤其呢度系市区中心。不过，一睇之下，好多嘢食价钱都几合理。如果叫set dinner很多都只系卖百几蚊，相当平民。不过，今晚胃口唔多，我哋选择散叫，可以叫啲更特别嘅嘢食。
Tiramisu Latte $68 - 呢杯咖啡，不，应该话作为甜品饮品，佢实在太出色。热辣辣嘅奶泡，温柔嘅咖啡味，用嚟点咖啡嘅饼干，加埋一齐可以当系好有层次同满足感嘅热饮。
鹅肝蒜香法包 $128 - 表面上128已经系正统餐厅价钱，但要留意佢有两件，加上佢嘅鹅肝好厚身，其实我觉得都算抵食。至于外脆内软呢啲，就理所当然，最重要系冇特登铺层粉喺面。
白松露惹菌忌廉配酥饼 $78 - 好啦冇乜胃口，谂住叫个小食，点知嚟到咁大份😂。结果我哋未上甜品已经饱晒。咁当然主要系白松露惹菌酱系好惹味，我哋自己食多咗😅，而酥饼都唔少嘢。
开心果牛角窝夫(转抹茶雪糕) $68 - 算啦，区区一个甜品两个人食，实食得晒嘅…结果嚟到原来系两件牛角窝夫😅。我哋故意叫开心果酱去衬抹茶雪糕，睇吓呢个绿色组合嘅效果如何。结果各自味道嘅表现都好好。
结果二人连加一食咗$400有找，相当满足。呢度坐得舒服，气氛轻松，尤其适合喺附近买完野之后嚟休息吓。
张贴
