影片
更多
2016-10-14
5527 浏览
呢排经常都去尖沙咀嘅柯士甸道又或者山林道食嘢，发现呢度其实都好多嘢食，中西日韩泰，甚至私房菜都会有。嚟到呢度可以逐间揾自己嘅心水。平成二十二，一听个名就知道系食日本菜嘅。日式嘅放题，高质素嘅日式放题。一去到睇到𠮶啲餐单已经放左系个台度，有7类嘅食品可以俾你拣，有刺身，有寿司，有烤物，有天妇罗，甚至乎火锅。一嚟到咁梗系食咗系啲刺身先啦，刺身都有好多种类俾你拣。特选日本大海老，油甘鱼同埋北海道带子。大海老非常大，虽然要自己剥壳，但系自己剥嘅时候仲可以食埋佢头𠮶啲膏，又甜又多。油甘鱼唔系话𠮶个自助餐都有得食，因为系属于比较贵价嘅食品，但系呢度都可以无限量供应俾你啊。另外北海道带子都几大粒，系原粒上，唔会切到一片片薄片，搞到冇乜口感咁样。原来够两个人仲会送多一板海胆，你睇吓板海胆几大，仲有埋紫菜可以俾你包埋食。呢只海胆味香浓，食落都好creamy 。食食吓主角竟然出场！呢个主角我哋系冇叫到架，原来食放题够四个人，餐厅就会送来一只龙虾刺身。系呀！你冇听错！系龙虾刺身，成只龙虾都帮你新鲜咁样剥晒啲肉，切片上，正丫，正丫！剩系呢个刺身都值回票价！跟住轮到熟食，我首推就系冲绳苦瓜炒蛋。其实我本人都几钟
平成二十二，一听个名就知道系食日本菜嘅。日式嘅放题，高质素嘅日式放题。一去到睇到𠮶啲餐单已经放左系个台度，有7类嘅食品可以俾你拣，有刺身，有寿司，有烤物，有天妇罗，甚至乎火锅。
一嚟到咁梗系食咗系啲刺身先啦，刺身都有好多种类俾你拣。特选日本大海老，油甘鱼同埋北海道带子。大海老非常大，虽然要自己剥壳，但系自己剥嘅时候仲可以食埋佢头𠮶啲膏，又甜又多。
油甘鱼唔系话𠮶个自助餐都有得食，因为系属于比较贵价嘅食品，但系呢度都可以无限量供应俾你啊。另外北海道带子都几大粒，系原粒上，唔会切到一片片薄片，搞到冇乜口感咁样。
原来够两个人仲会送多一板海胆，你睇吓板海胆几大，仲有埋紫菜可以俾你包埋食。呢只海胆味香浓，食落都好creamy 。食食吓主角竟然出场！呢个主角我哋系冇叫到架，原来食放题够四个人，餐厅就会送来一只龙虾刺身。系呀！你冇听错！系龙虾刺身，成只龙虾都帮你新鲜咁样剥晒啲肉，切片上，正丫，正丫！剩系呢个刺身都值回票价！
跟住轮到熟食，我首推就系冲绳苦瓜炒蛋。其实我本人都几钟意食，但系咪话样样苦瓜我都食，我就比较钟意食冲绳呢种苦瓜，呢种苦瓜，苦得来系甘。同埋好肯定佢个炒蛋系即叫即炒嘅，因为食落去𠮶阵味系啱啱好唔会老，仲好热。我食左n甘多碟！
仲有就系烧物，来呢度嘅烧物，都系即叫即烧。所以等嘅时间可能会比其他多小小，但系绝对值得等，因为烧烤嘅物品一定即烧即食系最好。牛舌切成一片片嘅薄片，爽口带黑椒味，牛味重 。
各式手卷，即叫即整，包出嚟紫菜仲脆，饭仲暖，食嘅最好时机。
喺呢度食除咗食日本野之外，仲可以食埋佢个sabu sabu ，同出面打边炉一样呢度有好多款火锅配料可以拣，任食只需一个人加20蚊，抵过去大家乐食喇。
临走𠮶阵时候先至发现原来今年系呢度嘅第七周年，所以有优惠活动。包括头先所讲嘅每两个人送一板海胆，同埋每四个人会有一只龙虾刺身送，所以钟意食龙虾嘅朋友真系要把握时机快啲去食啦！我都好想再食丫。。。
张贴
