得龍大飯店 (已搬遷) 新店位置

得龙呢个招牌听过好多次了。主要系话佢啲怀旧菜做得好，例如金钱鸡同埋焗鱼肠。我哋呢一代已经好少食呢啲菜式，亦都唔会局限于广东菜，所以一直都无试过得龙。最近常用嘅外卖app有得龙嘅山楂咕噜肉饭盒，$55连送货。既然呢头啲似样茶记都差唔多要呢个价，加上媒体最近不断话得龙老细就嚟收山，即管去马。10点半落单，12点半攞到返嚟仲系热辣辣，呢方面的物流真系做得几好。白饭同𩠌菜各占一半，互不侵犯，唔会浸到啲饭淋晒。白饭算系唔错，比连锁集团的质感好。得龙嘅咕噜肉声称用山楂炮制。我食得出佢比起一般咕噜肉多咗一阵柔和嘅甜味，唔会觉得啲汁太酸。而且佢哋啲梅头肉质素唔错，唔会大大旧肥肉，啖啖都有好肉食。呢味𩠌的确系做到大酒楼级数，份量亦唔少，午市卖呢个价我觉得物有所值。