山止川行 (已結業)

之前试过HIKA，非常难忘熊本天草大王鸡，一直想再去，但朋友C小姐话我知，原来老板辉哥开左间四川火锅，同样有得食天草大王鸡。然后佢话我知咩名之后，我先记得W小姐同我大赞呢度嘅牛肉，同有爱辣嘅W都话佢嘅辣非常难忘。于是约几个爱辣嘅朋友一齐去，一齐感受下佢牛同辣有几好。先饮一口正宗四川麻辣汤，真系几正宗，同我刚刚系成都食差唔多感觉。前菜葱油海蜇头，个海蜇头爽到不得之了。红油蒜泥白肉系我喜欢嘅辣度，四川腊肠够特别，好少系外面见到。黄金炸鱼皮炸得几好，系唔错嘅佐酒小食。朋友点左招牌辣子鸡，我觉人几钟意个味，不过我就觉得大件少少嘅鸡会开心d。安格斯牛小排牛味浓，但都不及主场嘅手切本地鲜肥牛，呢碟真心牛味四射，而且质感好。冰川鹅肠，送辣就一流。熊本天草大王鸡上次食过，今次再遇上，几十秒就得，试到那种唔同嘅质感。黑毛肚，成都老豆腐都系有点系成都食过个种好爽嘅感觉，特别豆腐个烟熏香味。最后食多少少菜同面，送下啲火锅料刚刚好，特别系窝笋片。豆沙锅饼非常好，系食过嘅头几位，红糖糍粑同平常食都唔同。同辉一样，系其菜式领域都会有少少唔同，今次辉师傅选择搞川菜，的确系我无想过嘅一步，系几惊喜的。