影片
更多
2018-11-06
384 浏览
上午同partner 行完会展，走去湾仔码头坐船过尖沙嘴，会展一带工程进行几年，同时都无坐船好耐，原来码头已经大变身，远见顶层有空中花园，二楼就有筑地市场，地下系码头出入口，见有时间，上二楼睇睇，大大招牌筑地山贵水产，内分多区——超市、丼饭、浜烧、拉面、站食寿司、站食海鲜、甜品等等，好似个小小日本；partner 见状好似癫左咁，系咁话要食拉面，拉面区只有几张bar枱，可以睇后生日本师父煮拉面，手势顺熟，唔望出窗，以为自己身在日本；Menu 只有五款拉面，但特大重量级山贵特选海鲜拉面就暂停供应，所以全店得四款拉面，汤底有札幌味噌汤及酱油汤两种选择，野菜拉面配札幌味噌汤，系我嘅，碗面一到，第一件事当然同佢影沙龙先啦，第二件就系饮啖汤，好香浓肉味，第三件事就食菜，菜鲜甜但无乜特别，到第四就系食面，一食就爱上，好弹牙，粗粗地有质感，6面时间啱啱好，唔淋有啲烟韧，点解咁好味？？原来面系由北海道生产，西山制造嘅屋台面，原材料除左用优质小麦粉外，用水都好讲究，取于北海道地底200米嘅优质地下水制造而成，唔系度度做得到，食到一条都无得净；Partner 𠮶碗系叉烧拉面配酱油，面当然同样出色，最大分别
partner 见状好似癫左咁，系咁话要食拉面，拉面区只有几张bar枱，可以睇后生日本师父煮拉面，手势顺熟，唔望出窗，以为自己身在日本；
Menu 只有五款拉面，但特大重量级山贵特选海鲜拉面就暂停供应，所以全店得四款拉面，汤底有札幌味噌汤及酱油汤两种选择，
野菜拉面配札幌味噌汤，系我嘅，碗面一到，第一件事当然同佢影沙龙先啦，第二件就系饮啖汤，好香浓肉味，第三件事就食菜，菜鲜甜但无乜特别，到第四就系食面，一食就爱上，好弹牙，粗粗地有质感，6面时间啱啱好，唔淋有啲烟韧，点解咁好味？？原来面系由北海道生产，西山制造嘅屋台面，原材料除左用优质小麦粉外，用水都好讲究，取于北海道地底200米嘅优质地下水制造而成，唔系度度做得到，食到一条都无得净；
Partner 𠮶碗系叉烧拉面配酱油，面当然同样出色，最大分别系汤底，试左一口，个人口味比较喜欢札幌味噌汤多D，而叉烧层肉层肥层层叠，partner 话只糖心蛋做得好好，蛋味香浓；
我哋大满足后，慢慢参观下馆内来自日本嘅产品，同埋上左去空中花园观维港靓影，系下午开工前一个意外又美好嘅收获👍🏼
张贴
