影片
更多
2017-06-27
224 浏览
呢碗拉面真系 好~!好~!好~食! 呀！(重要既事要讲3次)我仪yee仔贵为上水食神，食拉面无数，竟然比我喺上水揾到碗全港味道数一数二既拉面，真系踏破铁鞋无觅处，得来全不费功夫。 全靠前几个月某新闻，报导呢间小店俾无理食客不断投诉滋扰，连食环署都叫佢地搬迁回避。点都估唔到，却做到不错既宣传效果。店铺面积细小既佢地，旁边都系街市档摊，唔系专登去都好难发现。日本人老板娘在门口有礼咁叫我地先点食物，然后上楼上雅座等待。店内环境虽然较旧，但却有著怀旧既气息。不足一会，店员为我地端上热滕滕既拉面。黑蒜油叉烧拉面。除左系中环食过一间叫健康拉面之外，呢间系我第二间赞不绝口既拉面。叉烧份量充足，足足有5到6片。叉烧独特之处除左系形状唔似日本叉烧之外，佢肥瘦适中，咬落去唔韧之余亦好嫰，重要系唔油腻，入口溶化，美味非常。黑蒜油汤底不嬲系香港人至爱，汤底浓郁得黎唔太咸，岩岩好，黑蒜味亦够，搞到我差唔多饮晒成碗汤都唔够喉。面质亦系成功之处。呢个幼面配搭黑蒜汤底 得而。硬度刚刚好，唔会话好硬，有𡁻口，增加碗面既层次。反观朋友果碗既味噌汤拉面，面底又幼又硬，略为逊色。如果呢间小店比人投诉到冇得做，咁真系我地食客既
我仪yee仔贵为上水食神，食拉面无数，竟然比我喺上水揾到碗全港味道数一数二既拉面，真系踏破铁鞋无觅处，得来全不费功夫。 全靠前几个月某新闻，报导呢间小店俾无理食客不断投诉滋扰，连食环署都叫佢地搬迁回避。点都估唔到，却做到不错既宣传效果。
店铺面积细小既佢地，旁边都系街市档摊，唔系专登去都好难发现。日本人老板娘在门口有礼咁叫我地先点食物，然后上楼上雅座等待。店内环境虽然较旧，但却有著怀旧既气息。不足一会，店员为我地端上热滕滕既拉面。
黑蒜汤底叉烧拉面
17 浏览
0 赞好
0 留言
黑蒜油叉烧拉面。
除左系中环食过一间叫健康拉面之外，呢间系我第二间赞不绝口既拉面。叉烧份量充足，足足有5到6片。叉烧独特之处除左系形状唔似日本叉烧之外，佢肥瘦适中，咬落去唔韧之余亦好嫰，重要系唔油腻，入口溶化，美味非常。
黑蒜油汤底不嬲系香港人至爱，汤底浓郁得黎唔太咸，岩岩好，黑蒜味亦够，搞到我差唔多饮晒成碗汤都唔够喉。
面质亦系成功之处。呢个幼面配搭黑蒜汤底 得而。硬度刚刚好，唔会话好硬，有𡁻口，增加碗面既层次。反观朋友果碗既味噌汤拉面，面底又幼又硬，略为逊色。
如果呢间小店比人投诉到冇得做，咁真系我地食客既人大损失。希望之后会多啲人留意到呢间小店，得以令到佢地可以持续经营。
张贴
