LIFETASTIC (已結業)

初四请左假陪阿女同姨甥女，阿女话好想食西瓜蛋糕，想去香港大学站呢间食埋意粉，由屋企去香港大学要一个半钟先去到。点了两款午餐：博多明太子忌廉蟹肉扁意大利面配三文鱼籽～～好多配料（蟹肉、蘑菇、三文鱼籽又大粒）；意大利面煮得刚刚好，唔会太淋；忌廉汁调味得好好，唔会太腻。沙律份量唔算多，蔬菜好新鲜，但沙律汁偏酸。加$28 叫左杯香蕉朱古力奶昔，朱古力味偏浓，但有淡淡既香蕉味，都几好饮！最后，草莓西瓜蛋糕真系要必食，我唔系好钟意食蛋糕嘅人，推介左比好多朋友，全部都好钟意食。整个蛋糕嘅配合，草莓配西瓜味道非常好，个cream好好味唔会腻，蛋糕带有燕麦，食落好清新，另外仲有花香味！温泉蛋卡邦尼意大利面～～蘑菇好多肉比较少，而个汁加埋温泉蛋配合得十分好，感觉唔会太腻。小朋友好钟意食！餐汤都一般，无乜特别。另外，叫左杯杂莓三重奏，呢杯饮品就麻麻哋，莓味唔够，亦偏淡。呢间餐厅对我来讲虽然好远，但每次同亚女黎食，佢都食得好开心，今次带埋姨生女嚟，佢都食得津津有味。另外，我系会员，今餐仲有8折！