37 Steakhouse & Bar HK (已結業)

好耐冇嚟过山顶了， 星期六下午和老公一齐到山顶行下， 阳光普照心情特别轻松， 我们即兴到37 Steakhouse & Bar 吃午餐。 这里环境开扬阳光充足， 餐牌有散叫和午餐， 见到Lunch Set $198 前菜+主菜+甜品，向山顶黎讲都几抵，所以我们决定点set，田园沙律配日式苹果醋汁+ 美国特级西冷＆日本饭配照烧汁＋ 咖啡冻堤拉米苏。餐包～ 唔好睇少呢个牛角包， 热辣辣非常好味。田园沙律配日式苹果醋汁～ 沙律好新鲜配上日式苹果醋， 令到更加清新开胃。美国特级西冷＆日本饭配照烧汁～ 我点了半成熟， 肉质粉嫩， 牛肉味道特浓， 唔需要点照烧汁已经好好味， 配上粒粒烟韧的日本饭， 这个lunch set果然冇叫错。咖啡冻堤拉米苏～ 我很喜欢吃tiramisu， 这个做得酒味很浓， 中间有咖啡啫喱， 面层有一块朱古力脆片点缀， 令整杯甜品卖相更加精致。以前成日都觉得山顶餐厅的价钱比较贵，今次竟然俾我发现到37 Steakhouse & Bar，食物质素有水准，价钱又唔贵， 除了游客之外，我哋香港人都可以嚟支持下。