Wildfire Pizzabar (凌霄閣) (裝修中)

水牛鸡翼鸡翼炸起，新鲜又够热。美中不足系食落唔太juicy，但系配返两个酱食又唔错，叫不过不失。炸鱿鱼圈呢个就完全唔系好得，佢个炸粉同鱿鱼圈分得好开，同埋识落仲要唔系热既，俾返少少诚意俾我炸返热都好。波士顿龙虾尾意大利面个龙虾意大利面，配埋茄汁，佢有啲特别就系加埋芦笋喺入边。令到个意大利面有啲唔同口感。波士蝢龙虾尾海鲜意大利饭呢个意大利饭色落去又唔太硬身，对于我嚟讲啱啱好，另外佢都有虾同鱿鱼圈系入面。不过味道方面又唔系太突出。烧烤薄饼（8‘）叫咗个八吋薄饼，成个薄饼热辣辣，不过就冇肉喺入面，只系得啲肠。不过佢都有啲三色椒，同埋新鲜洋葱，增加返个口感。环境一次半次都应该可以，最特别就系佢有一个望住港岛嘅景，可以睇埋维港。不过因为我下昼去，唔知系佢个冷气有问题定点，全程都好热。位置方面喺山顶，景点地方都好多人下，冇乜特别都应该唔去第二次。