影片
更多
2020-09-22
549 浏览
好耐都无出门啦，趁宜家疫情稍有缓和，就去山顶透透气。发觉山顶都多咗好多嘢食，由于同屋企人一齐嚟，所以都系拣咗中菜，加上呢度有烧味，炖汤同点心，至啱公公婆婆口味啦。咁啱天气几好，有啲风，又唔晒，所以我地就拣咗咗露天座位。户外空气流通，出嚟食饭都放心啲。同埋出面个View都几好。点咗好几款点心，味道都唔错。我比较钟意黑松露烧卖，好香口，口感爽弹，唔错。烧味就点咗个例牌双拼，烧鹅拼豉油鸡。烧鹅表皮香脆，好Juicy。味道唔错，肉质都几嫩。同埋银鱼仔蒸腩片饭我都觉得都几好味，腩片滑嫩，银鱼仔送饭一流。我特登点咗支陈皮啤嚟送煲仔饭，几特别，有阵陈皮香味。啤酒送煲仔饭一流。整体而言，食物质素几好，环境一流。推介一试！
咁啱天气几好，有啲风，又唔晒，所以我地就拣咗咗露天座位。户外空气流通，出嚟食饭都放心啲。同埋出面个View都几好。
点咗好几款点心，味道都唔错。
我比较钟意黑松露烧卖，好香口，口感爽弹，唔错。
烧味就点咗个例牌双拼，烧鹅拼豉油鸡。烧鹅表皮香脆，好Juicy。味道唔错，肉质都几嫩。
同埋银鱼仔蒸腩片饭我都觉得都几好味，腩片滑嫩，银鱼仔送饭一流。
我特登点咗支陈皮啤嚟送煲仔饭，几特别，有阵陈皮香味。啤酒送煲仔饭一流。
整体而言，食物质素几好，环境一流。推介一试！
张贴
