影片
更多
2022-06-04
2219 浏览
疫情前 卜左一月黎呢道食饭但随住晚市禁堂食同二人限聚本来嘅booking比人取消左到左五月 悉逢母亲节同防疫措施放宽特登走去再book返呢间餐厅但见到执剩一间同外卖期间大量负评 其实都真系有啲犹疑卜左六点半 泊好车就行入去提返声 原来呢个位系后门 见到屋企人坐低之后佢地就提我去返前门嘟返安心出行同针卡因为系母亲节 所以其实都有啲母亲节嘅Menu不过望完大家觉得唔系好啱食所以我哋都系决定散嗌画咗10样嘢之后就递左张纸比员工然后就开始左漫长嘅等待20分钟过去 谂住催单 但屋企人提醒 就只有我哋散嗌望住其他枱 无论系早过我哋黎定迟过我哋都清一色系嗌套餐嘅好啦咁再等多阵但等等下都系唔对路 一问之下先知我哋真系漏咗单仲要重新画过𠮶张纸 画完之后再俾个员工 个员工仲要笑笑口咁话 ‘系啰我仲谂点解你哋啲嘢咁耐’。。。。。。。。🫠七点三𠮶阵见到张单啦咁我哋又系大意左 冇谂过要拎单埋单所以冇留意过系会有单 不过可能始终因为我哋等得太耐所以餐厅应该系比我哋打咗尖所以3分钟之后就有第一味𩠌上啦北京烤鸭(半) $228 👍🏾👍🏾👍🏾人哋啲片皮鸭多数都系皮多呢度嘅话肉嘅比例都唔少都系睇个人口味啦如果本身个人唔太
但随住晚市禁堂食同二人限聚
本来嘅booking比人取消左
到左五月 悉逢母亲节同防疫措施放宽
特登走去再book返呢间餐厅
但见到执剩一间同外卖期间大量负评
其实都真系有啲犹疑
卜左六点半 泊好车就行入去
提返声 原来呢个位系后门
见到屋企人坐低之后佢地就提我去返前门
嘟返安心出行同针卡
因为系母亲节 所以其实都有啲母亲节嘅Menu
不过望完大家觉得唔系好啱食
所以我哋都系决定散嗌
画咗10样嘢之后就递左张纸比员工
然后就开始左漫长嘅等待
20分钟过去 谂住催单
但屋企人提醒 就只有我哋散嗌
望住其他枱 无论系早过我哋黎定迟过我哋
都清一色系嗌套餐嘅
好啦咁再等多阵
但等等下都系唔对路
一问之下先知我哋真系漏咗单
仲要重新画过𠮶张纸
画完之后再俾个员工 个员工仲要笑笑口咁话
‘系啰我仲谂点解你哋啲嘢咁耐’
。。。。。。。。🫠
七点三𠮶阵见到张单啦
咁我哋又系大意左
冇谂过要拎单埋单
所以冇留意过系会有单
不过可能始终因为我哋等得太耐
所以餐厅应该系比我哋打咗尖
所以3分钟之后就有第一味𩠌上啦
北京烤鸭(半) $228 👍🏾👍🏾👍🏾
人哋啲片皮鸭多数都系皮多
呢度嘅话肉嘅比例都唔少
都系睇个人口味啦
如果本身个人唔太钟意食咁骚又怕油
其实肉多都系几好
鸭系好食嘅 果皮都系keep 到脆
不过青瓜同京葱就真系可以新鲜番啲
有几多块皮我冇认真数
但系大概都有8-10块左右
霸王小笼包$49 👍🏾👍🏾👍🏾
皮唔算好薄 口感可以好啲
但汤汁都算多 放落口仲热焫焫
猪柳扒担担面 $85👍🏾👍🏾👍🏾👍🏾
比较少见上海菜会叫猪扒 多数都系写排骨
咁当然我知系同一样嘢啦( ´▽｀)
猪扒唔会炸到好油
啖啖肉系好食嘅
个汤嘅浓稠度都算适中
肉碎有炒过 唔系就咁免治猪肉
砂锅云吞鸡
$198
24 浏览
0 赞好
0 留言
砂锅云吞鸡 $198 👍🏾👍🏾👍🏾👍🏾
个鸡汤好好饮
饮落唔会觉得味精 鸡都多
不过鸡肉唔嫩 咁都正常嘅
始终系用嚟煲汤 料足
小棠菜同云吞都好多
我哋四个人 都可以每人分到一碗嘅
四宝烤麸 $72👍🏾👍🏾👍🏾
平时啲舖头多数会叫做四喜烤麸
烤麸即系面筋伴有四种配料 多数有木耳同花生
不过呢个四宝 从外貌睇上去就得两宝
佢嘅面筋都比较多 咁就唔紧要啦当打和
卤水汁少少甜少少咸
个味道都系几好嘅 ( ´▽｀)
鸡丝粉皮 $82 👍🏾👍🏾👍🏾
其实好少话鸡丝粉皮会整得唔好食( ´▽｀)
都系粉皮底加鸡丝加麻酱加青瓜丝
佢有样嘢做得比较好
就系个麻酱唔会话好稠
不过个粉皮个质感有啲奇怪 比较厚身 似河粉
炸银丝卷 $36 👍🏾👍🏾👍🏾👍🏾
炸银丝卷同炸馒头嘅分别就系
入面会唔会食到一层层嘅感觉
咁好明显佢系真系银丝卷嚟嘅( ´▽｀)
上枱都系热辣辣 正啊( ´▽｀)
山东手抓饼 $38👍🏾👍🏾
同印度薄饼嘅分别在于山东嘅好咸！
系超咸版嘅葱油饼
肉末叉子烧饼 $95 👍🏾👍🏾
呢一个系点样食㗎呢 就系拎起𠮶个烧饼
将啲肉碎放落去𠮶啲烧饼做馅
换句说话讲 就系馅饼嘅分开版
不过啲肉又系好咸 放少少落烧饼都仲可以
见佢碟肉咁多 一开始就放好多嘅就濑咗嘢
咁其实放几多馅落去就丰俭由人嘅
只系个饼又油 啲肉又油 食落都少少漏
雪菜肉丝炒年糕 $99 👍🏾👍🏾👍🏾
系呀又系淀粉质( ´▽｀)
咁雪菜肉丝就本身都系咸嘅
雪菜个量都几多 反而肉丝就似肉碎
年糕都整得烟烟韧韧 口感系唔错嘅
年糕都多 最尾上所以最后都食唔晒
食咗少少就拎外卖盒pack起佢啦
最后附上单据
围返每人唔使$300 咁都OK嘅
算系合理价钱同埋合理嘅质素
张贴
