新聯輝餐廳

营业中

休息中

今晚返番去住咗几十年嘅屯门探下啲旧邻居，突然心血来潮去睇下以前间中去食嘅茶餐厅「新联辉」执咗笠未，咁多年屹立不倒，估佢唔到，但我发觉佢装修格局一啲都无变，再睇下门外个餐牌，都系不大变动，之后我就神推鬼拥无啦啦入咗去坐低，叫咗个晚市套餐-肉丝炒面、冻柠茶，我记得以前系$42（冻饮加$2），而家就$56（冻饮加$3），住咗十几年每年加1蚊差唔多啦，等1分唔到，就即刻送大大碗例汤，猪骨红萝卜，个汤算唔错，唔觉有味精，仲要好好彩我碗有大大旧猪骨黐住好多肉，正👍！饮完个汤就啱啱好送个肉丝炒面嚟，我钟意佢个炸面底脆卜卜，再加埋清清地肉丝芡汁，唔错，不过佢个炒面真系太大份，我真系食唔晒！食完再饮番杯冻柠茶就Key More Gi，不过杯茶我觉得偏甜少少，下次可以叫佢走甜，枱面有支糖水自己加。其实晚餐嚟讲59蚊算抵！