紅磡雞蛋仔

营业中

休息中

其实红磡鸡蛋仔屹立呢区已经至少30年以上，老公细细个已经食佢地，今日再次帮衬主要系想比较一下鸡蛋仔边间好。今日排队时间约5-10分钟，我前边嘅人主要系买班戟，比例大概系六成班戟四成鸡蛋仔，远远望见芒果班戟馅料十足，前边啲人个个都会揸住影相。我今日食鸡蛋仔，但有啲失望佢唔系即叫即做（以前老店主会即叫即做），现在落咗order 5秒就交到我手上，可能系烘得唔够耐，又或者放耐咗，虽然仍有余温，但系外面一啲都唔脆，有少少失望，但里面就软糯有浓浓蛋香，味道都OK。价钱方面，比起其他出边出名嘅鸡蛋仔价钱仍然系好平，$15一底原味鸡蛋仔，普通班戟就$11，里面就系有炼奶同花生酱。总括而言，表现不过不失，性价比仍然系高，但如果可以保留老伯伯嘅功夫就更加好。