丼瀛 (已搬遷) 新店位置

今日嚟到观塘一栋工厂大厦上面食日本菜，大概七八点左右已经开始坐满晒，大家果然好落力帮衬黄小店，如果想食dinner建议都系online bk定先！睇吓个Menu呢度主要都系食丼饭、串烧同寿司卷。最尾两个人叫咗个松叶蟹肉海胆甜虾丼主食、吞拿鱼腩海胆卷、天龙卷，而小食有牛舌、流心芝士汉堡扒同明太子酱玉子烧，叫少个丼饭两个人就可以试多啲其他小食。首先系个甜虾丼，可以见到上面嘅材料系堆得非常之满，至于下面嘅松叶蟹肉系超多，系食到最尾一啖饭都仲有𩠌，而个海胆同甜虾一啲都唔腥，几新鲜，个人唔太好鱼子但都有一大堆系面头，咁样价钱合理抵食。至于两个卷个人就钟意天龙卷多啲，三文鱼腩嘅油份夹埋炸虾同入面嘅青瓜丝，几满足。反而吞拿鱼腩海胆卷饭个比例系饭多过料，同埋丼饭入面都有海胆，所以食落感觉中规中矩，唔太惊喜。另外牛舌都算厚，总共有四旧一串，烧得岩岩好唔韧唔难咬，都ok多汁，价钱40几都合理，可以一试。而汉堡扒系好厚嘅，正常味道，但入边流心芝士整得几好几正。最后就个玉子烧，上面嘅明太子酱烧得焦焦地非常香脆，入边嘅蛋好有层次同味道浓郁，夹埋甜甜地唔错！晚餐食日本菜嚟讲价钱合理，丼饭同串烧比较岀色，值得推介！