阿叔泰麵 (西菁街) (已結業)

知道元朗开咗间食泰式船面嘅小店，一直都想试，今日约咗住元朗嘅朋友，终于有机会试喇！当时已经下午两点半，但门外仍有人等位，幸好等咗几分钟就有位。Menu 选择唔算多，面有4款，另外有各款泰式小食同饮品。牛肉船面食面最重要就系汤底，个汤底非常香浓，但又唔会过咸最令我惊喜嘅系有泰式阔身嘅河粉，好滑，连汤食一流！牛腩好新鲜，唔会太轫。牛丸味浓，爽口弹牙。每碗面都有炸猪皮，通菜，花生碎，芽菜作配料，令味道更香口，口感更丰富。阿莱烧猪颈肉猪颈肉带点肥肉，烧过后吃起来更香口。配上鱼露汁，添上微微的酸辣味道，更有泰式风味！下次想食泰面会再黎试埋其他款式！